बानेश्वरमा सामसङको नयाँ सर्भिस सेन्टर

काठमाडौं । सामसङले मध्यबानेश्वरमा अर्को आधिकारिक सर्भिस सेन्टरको शुभारम्भ गरेको छ । सेन्टरकोे शुभारम्भ समारोहमा सामसङ नेपालका प्रबन्ध निर्देशक सुङ जुन पार्क, निर्देशक प्रणय रत्न स्थापित, सर्भिस हेड राजन भट्टराई, आईएमएसका अध्यक्ष तथा प्रमुख कार्यकारी अधिकृत डिकेश मलहोत्रा र आईएमएसका सेल्स हेड कैलाश ऐरलगायतको उपस्थिति थियो । सर्भिस सेन्टर सामसङद्वारा नेपालमा खोलिएको २१ औँ रहेको छ ।

बिक्रीपछिको गुणस्तर सेवालगायत ग्राहकहरूको लागि निरन्तररूपमा ग्राहकमुखी सेवा प्रदान गर्ने उद्देश्यका साथ सामसङले काठमाडौँ उपत्यकाभित्र पाँचवटा र उपत्यकाबाहिर १५ वटा सर्भिस सेन्टर गरी २० वटा स्थानहरूमा पहिलेदेखि नै सेन्टर स्थापना गरिसकेको थियो । बानेश्वरमा नयाँ खुलेको २१ औँ सर्भिस सेन्टरबाट पनि आफ्नो ग्राहकहरूलाई भरपर्दो एवम् सुलभ सेवा प्रदान गर्ने कम्पनीको विश्वास रहेको छ । नयाँ सर्भिस सेन्टरमा वारेन्टी भएको र नभएको दुवै किसिमका सामसङ मोबाइल फोनहरूको मर्मत सेवा प्रदान गरिने कम्पनीले जानकारी दिएको छ । सो सर्भिस सेन्टरबाट बानेश्वरलगायत कोटेश्वर, चाबहिल, बौद्ध र नजिकको क्षेत्रका ग्राहकहरूले लाभ पाउने कम्पनीको विश्वास छ ।