काठमाडौं । ह्वावे र आईसीटी फाउन्डेसन नेपाल (आईएफएन) ले नेपालमा ह्वावे मोबाइल नेपाल कँग्रेस र डिजिटल नेपाल कन्क्लेभ २०२३ आयोजना गर्न सहकार्य गर्ने भएका छन् । नेपालमा नेटवर्किङ र सहकार्यको लागि सार्थक वातावरण सिर्जना गर्ने लक्ष्यका साथ उक्त कार्यक्रम आयोजना गर्न लागिएको हो । सम्झौतामा ह्वावे नेपालका सिईओ ह्वाङ जुन र आईएफएनका अध्यक्ष राजन लम्सालले हस्ताक्षर गरेका छन् । सम्झौताअनुसार दुवै संस्थाहरूले कार्यक्रमलाई प्रभावकारी, उपलब्धिमूलक र सफल बनाउन संगै मिलेर कार्य गर्नेछन् । कार्यक्रम यही असार ८ र ९ गते सोल्टी होटल, काठमाडौंमा आयोजना गरिनेछ । कार्यक्रममा विभिन्न देशका विषय विज्ञहरूको सहभागिता रहनेछ । ‘डिजिटल्ली सक्षम, सबल नेपाल’ भन्ने नाराका साथ आयोजना हुने उक्त कार्यक्रमले डिजिटल रुपान्तरणका लागि नेपालको क्षमताका साथै त्यससँग सम्बन्धित आवश्यक नीति नियमहरू र तिनको कार्यान्वयन पक्षमाथि विशेष जोड दिनेछ ।
कार्यक्रम स्थलमा ह्वावेले अत्याधुनिक नवीनतम प्रविधिहरू र समाधानहरूलाई प्रस्तुत गर्नेछ । जसबाट उद्यमीहरू, दूरसञ्चार सेवा प्रदायकहरू र आईसीटी कम्पनीहरू लाभान्वित हुन सक्नेछन् । ह्वावे मोबाइल नेपाल सम्मेलन जुन विषयवस्तुमा केन्द्रित छ, त्यसैमा आधारित रहेर सम्मेलनले गिगाभर्स इनिसिएटिभ, अल्ट्रा–अटोमेसन स्पिड अप, सेवाको रूपमा इन्टिलिजेन्ट कम्प्युटिङ एन्ड नेटवर्क, भिन्नभिन्न अपेक्षाकृत मागहरू र वातावरण, सामाजिक तथा सुशासनका लागि आफ्नो मार्ग निर्देशिका तय गरेको छ । मोबाइल नेपाल कँग्रेस २०२३ ले डिजिटल नेपालतर्फको यात्रालाई गति दिनका लागि नेपालमा उपयोगी र व्यापारिक सम्भावना भएको विश्वव्यापी आविष्कार र समाधानहरूलाई छलफलमा ल्याउन मद्दत पुग्ने विश्वास ह्वावेको रहेको छ ।
क्याटेगोरी : कर्पोरेट-वाणिज्य-उद्योग
ट्याग : #page 3
ताजा अपडेट
- नीति तथा कार्यक्रम : गण्डकीका कुन-कुन योजना परे ?
- प्राइम सहकारीकाे एक अर्व ५४ कराेड हिनामिना, अध्यक्ष कार्कीसहित आठ पक्राउ
- नीति तथा कार्यक्रम सकारात्मक स: सत्ता पक्ष
- नीति तथा कार्यक्रम उत्साहप्रद : एमाले
- क्रिकेटर लामिछानको मुद्दा हेर्दाहेर्दैमा
- अदालती समयपछि पनि सन्दीपको मुद्दामा बहस जारी
- प्राइम सहकारी पनि डुब्यो, प्रहरीद्वारा उजुरी आह्वान
- शिक्षकले दलको सदस्य हुन नपाउने कानुनी व्यवस्था कडाइका साथ कार्यान्वयन गरिने
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया