समृद्धि फाइनान्सद्वारा कुर्सी तथा डस्टबिन वितरण

काठमाडौं । समृद्धि फाइनान्सले संस्थागत सामाजिक उत्तरदायित्वअन्तर्गत पोखरा शाखाबाट कुर्सी तथा डस्बिन वितरण कार्यक्रम सम्पन्न गरेको जानकारी दिएको छ । उक्त सामानहरू प्रगतिशील नारी समूह, पोखरा–८लाई वितरण गरिएको हो । समृद्धि फाइनान्सले भदौ महिनाको सामाजिक उत्तरदायित्वअन्तर्गत नारी विशेष कार्यक्रम गर्ने तालिका बनाएको र सोही कार्यक्रमअन्तर्गत पोखरा शाखाद्वारा प्रगतिशील नारी समूहलाई बाह्र वटा डल्फिन कुर्सी र डस्बिन उपलब्ध गराइएको हो । उक्त कार्यक्रममा समूहका सदस्यहरू, समाजसेवी तथा टोलवासीहरूको सहभागिता रहेको थियो ।

फाइनान्सले भदौ महिनामा महिला विशेष अभियानहरू चलाइरहेको जनाएको छ । सम्पूर्ण महिलाहरूले भदौ महिनामा यस फाइनान्समा समृद्धि गृहलक्ष्मी बचत खाता खोली उच्च ब्याजदरको प्रतिफलका साथै निःशुल्क डिजिटल बैङ्किङको फाइदा लिन सक्नेछन् । नेपाल राष्ट्र बैंकबाट ‘ग’ वर्गको इजाजतपत्र प्राप्त राष्ट्रियस्तरको समृद्धि फाइनान्स कम्पनी लिमिटेडले हाल १३ वटा शाखामार्फत कारोबार गर्दै आएको छ भने आरटीजीएस, आईपीएस, कनेक्ट आईपीएस, रेमिट्यान्स, क्लियरिङलगायतका बैंकिङ र मोबाइल बैंकिङ, डेबिट कार्ड, क्युआर कोडजस्ता डिजिटल सुविधाहरू प्रदान गरिरहेको छ ।