खस्कियो सांग्रिला बैंकको वित्तीय अवस्था
काठमाडौं । सांग्रिला डेभपमेन्ट बैंकको वित्तीय अवस्था खस्किएको छ । बैंकले सार्वजनिक गरेको चालू आर्थिक वर्षको दोस्रो त्रैमासिक अपरिष्कृत वित्तीय विवरण अनुसार खुद मुनाफा घटेको छ भने खराब कर्जा बढेको छ । यस्तै वितरणयोग्य मुनाफा ऋणात्मक बनेको छ ।
तीन अर्ब ४३ करोड नौ लाख ७१ हजार तीन सय दुई रुपैयाँ चुक्ता पुँजी रहेको बैंकले चालू आर्थिक वर्षको पुस मसान्तसम्म ५१ अर्ब ८५ करोड ७५ लाख ३५ हजार पाँच सय ८८ रुपैयाँ १४ पैसा निक्षेप संकलन गरी ४१ अर्ब ६३ करोड ४४ लाख ३६ हजार छ सय ३६ रुपैयाँ ९४ पैसा कर्जा प्रवाह गरेको छ । वित्तीय विवरणअनुसार कर्जाको साँवाब्याज असुलीमा समस्या देखिँदा बैंकमा खराब कर्जाको मात्रा बढेर चार दशमलव ८९ प्रतिशत पुगेको छ । गतवर्ष बैंकको खराब कर्जा तीन दशमलव ३६ प्रतिशत थियो ।
खराब कर्जा बढेर इम्पेरिमेन्ट चार्ज बढी छुट्याउनुपर्दा मुनाफामा असर परेको देखिन्छ । बैंकले इम्पेरिमेन्ट चार्जबापत ३९ करोड ३२ लाख ५७ हजार छ सय ५८ रुपैयाँ १८ पैसा छुट्याएको छ । गत आर्थिक वर्षको दोस्रो त्रैमासमा भन्दा यो रकम १४ करोड रुपैयाँले बढी हो । गतवर्ष पुस मसान्न्तसम्म बैंकले २५ करोड १९ लाख १५ हजार ५२ रुपैयाँ ८४ पैसा इम्पेरिमेन्ट चार्जबापत छुट्याएको थियो ।
पुस मसान्तसम्म ९४ करोड ६३ लाख ६८ हजार एक सय ६८ रुपैयाँ ७२ पैसा खुद आम्दानी गरेको बैंकले १० करोड दुई लाख ३३ हजार सात सय ६६ रुपैयाँ ६३ पैसा खुद मुनाफा कमाएको छ । जुन एक वर्षअघिकको तुलनामा छ करोड ६३ लाख २९ हार तीन सय ९२ रुपैयाँ ४८ पैसाले कम हो । गतवर्ष पुसमा बैंकको यस्तो नाफा १६ करोड ६५ लाख ६३ हजार एक सय ५९ रुपैयाँ थियो । गत आर्थिक वर्षको दोस्रो त्रैमासमा २७ करोड ८२ लाख २९ हजार तीन सय ७१ रुपैयाँ २७ पैसा वितरणयोग्य नाफा रहेकोमा यसवर्ष ऋणात्मक देखिएको छ ।
दोस्रो त्रैमासमा बैंकको प्रतिसेयर आम्दानी पाँच रुपैयाँ ८४ पैसा, मूल्य आम्दानी अनुपात (पीई रेसियो) ५४ दशमलव ७७ गुणा, रिटर्न अन इक्युटी (आरओई) चार दशमलमव ४१ प्रतिशत र नेटवर्थ एक सय ३२ रुपैयाँ ३९ पैसा कायम भएको छ ।
क्याटेगोरी : बैंक बित्त बजार
ट्याग : #Page 1
ताजा अपडेट
- प्रहरी जवान घिमिरेको हत्या आरोपमा सात जना पक्राउ
- राष्ट्रियसभाको बैठक स्थगित
- उदयपुरमा हावाहुरीले करोडौँको क्षति
- मेची भन्सारद्वारा एघार अर्ब ५९ करोड राजस्व सङ्कलन
- कामपामा न्यायसंवाद कार्यक्रम सुरु
- सेयर बजारमा देखियो उछाल
- ट्विटर एक्स डटकम भएको मस्कद्वारा पुष्टि
- भारतीय सेयरबजारबाट बाहिरियो साढे तीन अर्ब डलर लगानी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया