शिखर इन्स्योरेन्सको सबै सेवा च्याटबटबाट आफूलाई पायक पर्ने ठाउँबाट लिन सकिने

काठमाडौं ।
डिजिटल इन्स्योरेन्समा उचाइ चुम्न सफल शिखर इन्स्योरेन्सले गत मंसिर १७ गतेदेखि सुरु गरेको च्याटबटमार्फत कुनै पनि सेवा लिन चाहानेहरूको संख्या दैनिक बढ्न थालेको छ । सम्पूर्ण बीमा क्षेत्रमा नै पहिलो पटक भाइबर र फेसबुक मेसेन्जरमा च्याटबट प्रयोग गरेर आफ्ना बीमा सेवाहरू उपलब्ध गराउन थालेको शिखर इन्स्योरेन्सले इन्स्योरेन्स गर्नका लागि अफिससम्म पुग्ने समय नभएका र प्रविधिको दायरालाई बीमा क्षेत्रमार्फत बढाउन सकिने सम्भावना र आवस्यकता महसुस गरी सुरु गरेको च्याटबट नयाँ माध्यम हो ।

आजभोलि अधिकांशको हातमा एन्ड्रोइड मोबाइल हुन्छ । घरमा होस् वा अफिस आफूलाई पायक पर्ने र नेटवर्कको सुविधा भएको कुनै पनि ठाउँबाट च्याटबटमार्फत शिखर इन्स्योरेन्समा उपलब्ध पोलिसिहरूको सेवा लिन सकिने भएको छ । यसकोे लागि फेसबुक मेसेन्जरमा लगइन गर्नुपर्ने हुन्छ भने भाइबरमा कम्पनीको क्यूआर कोड स्क्यान गर्नुपर्छ । इन्टरनेटको पहुँच भएका ग्रहाकहरूका लागि यो सुविधा अत्यन्तै सहयोगी र प्रभावकारी छ ।

यसैगरी आफूले लिन चाहेको बीमा सेवाका बारेमा च्याटबटमार्फत जानकारी मात्र गराएमा शिखर इन्स्योरेन्सको सम्बन्धित निकायले तुरुन्तै ग्रहाकसँग कुरा गर्नेछन् । यसपश्चात् ग्रहाकले आफ्ना कुरा सरल तथा सहजै राख्न सक्छन् । च्याटबटका कारण ग्रहाकहरूको समयको बचत हुनुको साथै महामारीका बेला स्वास्थ्य सुरक्षामा आइपर्ने चुनौतीसँग पनि जुध्न पर्दैन । च्याबटमार्फत शिखर इन्स्योरेन्सको कुनै पनि सेवा तत्कालै लिन पाइने कम्पनीले जनाएको छ ।

कोभिडको कारणले सम्पूर्ण विश्व नै प्रभावित भइरहेको अवस्थामा च्याटबटको सेवा आपत्कालीन र सहजताका लागि ग्रहाकहरूले घरमै बसी सुरक्षित तवरले बीमा सेवाहरू लिन सक्छन् । ग्रहाकरुले उक्त माध्यमबाट बीमा पोलिसी खरिद, दाबीको जानकारी, बीमा पोलिसीको प्रति इमेल, बीमा नवीकरण, बीमा सम्पुष्टि, केवाईसी अपडेटजस्ता सेवाहरू लिन सक्छन् ।

साथै बीमाका ग्राहकहरूले च्याटबटमा आफ्ना सुझावहरू समेत दिन सक्नेछन् । यसका साथै अन्य सुविधाहरू समयसापेक्ष अपग्रेड गरी समावेश गर्दै लाने र निकट भविष्यमा ग्रहाकहरूले सोही माध्यमबाटै बीमालेख प्राप्त गर्नसक्ने व्यवस्था समेत मिलाउने शिखर इन्स्योरेन्सले जनाएको छ । शिखरले ल्याएको उक्त च्याटबटले स–साना कुराका लागि कम्पनी धाउनै पर्ने बाध्यतालाई अन्त्य गर्नेछ । हाल शिखर इन्स्योरेन्सले आफ्ना एक सय तीन शाखाबाट २२ भन्दा बढी बीमाहरूको सेवा विस्तार गर्दै आइरहेको छ ।