Techie IT
×
गृहपृष्ठवित्त पूँजी बजारलघुबीमासम्बन्धी लुम्बिनी जनरलको प्रशिक्षण

लघुबीमासम्बन्धी लुम्बिनी जनरलको प्रशिक्षण


काठमाडौं, पुस २८
लुुम्बिनी जनरल इन्स्योरेन्स कम्पनीको लघु बीमासम्बन्धी देशव्यापी अभिमुखीकरण कार्यक्रमअन्तर्गत उदयपुरको गाईघाट बजारमा कार्यक्रम सम्पन्न भएको छ । नेपाल बीमक संघको आयोजना तथा यूकेएड सक्षमको सौजन्यता तथा लुम्बिनी जनरल इन्स्योरेन्सको व्यव्स्थापनमा उक्त कार्यक्रम आयोजना गरिएको कम्पनीले जानकारी दिएको छ ।

कार्यक्रममा प्रमुख अतिथिकोरूपमा त्रियुगा नगरपालिकाकी उपमेयर देवीकुमारी चौधरी, विशिष्ट अतिथि चौडण्डीगढी नगरापालिकाकाका मेयर खगेन्द्र राई, कृषि ज्ञान केन्द्र, उदरपुरका प्रमुख नरनाथ रेग्मी, प्रधानमन्त्री कृषि आधुनिकीकरण जोनका प्रतिनिधि, भेटनरी अस्पताल तथा पशु सेवा विज्ञ केन्द्रका प्रतिनिधि, त्रियुगा तथा चौडण्डीगढी नगरपालिकाका वडा अध्यक्षहरूको समेत उपस्थिति रहेको थियो ।

लुम्बिनी जनरल इन्स्योरेन्सका सहायक महाप्रबन्धक नवराज तिमिल्सेनाको अध्यक्षता रहेको सो कार्यक्रममा तिमिल्सेनाले लघु बीमा सम्बन्धमा स्थानीय निकायको भूमिका सम्बन्धमा तथा नेपाल बीमक संघका अधिकृत राजेन्द्र पाठकले लघु बीमाको उद्देश्य, यसका फाइदा तथा शर्तहरूसम्बन्धी प्रशिक्षण दिएका थिए । उक्त प्रशिक्षण कार्यक्रममा स्थानीय कृषक, कृषि व्यवसायी तथा कृषि अभियन्तालगायत ८८ जनाको सहभागिता रहेको थियो ।


क्याटेगोरी : वित्त पूँजी बजार

तपाईको प्रतिक्रिया