Techie IT
×
गृहपृष्ठवित्त पूँजी बजारमध्य भोटेकोशी जलविद्युुत्को ९० करोड रूपैयाँको साधारण सेयर आजबाट

मध्य भोटेकोशी जलविद्युुत्को ९० करोड रूपैयाँको साधारण सेयर आजबाट


काठमाडौँ । मध्य भोटेकोशी जलविद्युुत् कम्पनीले ९० करोड रूपैयाँको साधारण सेयर बिक्री खुला भएको छ । कम्पनीले असोज २० गते अर्थात् आज बुधबारबाट एक सय रूपैयाँ अंंकित मूल्य कायम रहनेगरी ९० लाख कित्ता साधारण सेयरको बिक्री खुला गरेको हो ।

बिक्री खुला भएको कुल सेयरमध्येमा चार प्रतिशत अर्थात् तीन लाख ६० हजार कित्ता सेयर कर्मचारीहरूको लागि र पाँच प्रतिशत अर्थात् चार लाख ५० हजार कित्ता सेयर सामूहिक लगानी कोषको लागि छुट्याइएको छ । यसबाहेक बाँकी ८१ लाख ९० हजार कित्ता सेयर भने सर्वसाधारणको लागि छुट्याइएको छ । हाल अधिकृत पुँजी छ अर्ब २१ करोड तथा जारी पुँजी छ अर्ब रूपैयाँ रहेको कम्पनीको साधारण सेयरको बिक्रीपश्चाात् चुक्ता पुँजी चार अर्ब ५० करोड रूपैयाँ पुग्नेछ ।

बिक्री प्रबन्धक ग्लोबल आईएमई क्यापिटल लिमिटेड रहेको कम्पनीको साधारण सेयरको सहबिक्रीप्रबन्धकहरूमा एनआईबीएल एस क्यापिटल लिमिटेड, प्रभुु क्यापिटल लिमिटेड, लक्ष्मी क्यापिटल लिमिटेड, सिभिल क्यापिटल लिमिटेड, सानिमा क्यापिटल लिमिटेड र सीबीआईएल क्यापिटल लिमिटेड रहेका छन् । कम्पनीको साधारण सेयरको बिक्री कार्य छिटोमा यही असोज २४ गते र ढिलोमा कात्तिक तीन गते बन्द हुनेछ ।


क्याटेगोरी : वित्त पूँजी बजार

तपाईको प्रतिक्रिया