Techie IT
×
गृहपृष्ठवित्त पूँजी बजारआईसीएफसी फाइनान्सको नाफा तीन करोड ३४ लाख

आईसीएफसी फाइनान्सको नाफा तीन करोड ३४ लाख


काठमाडौं । आईसीएफसी फाइनान्सले चालू आर्थिक वर्षको पहिलो त्रैमासिक अवधिमा तीन करोड ३४ लाख ५८ हजार सात सय ६९ रुपैयाँ खुद मुनाफा आर्जन गरेको छ । गत आवको सोही अवधिमा भने फाइनान्सको यस्तो नाफा चार करोड ७६ लाख ५२ हजार नौं सय २३ रुपैयाँ रहेको थियो ।

हाल चुक्ता पुँजी एक अर्ब १२ करोड ५१ लाख १५ हजार दुई सय रुपैयाँ रहेको फाइनान्सले चालू आवको पहिलो त्रैमासमा १८ अर्ब २५ करोड ९३ लाख ६४ हजार चार सय ६३ रुपैयाँ निक्षेप संकलन गरी १४ अर्ब १३ करोड २२ लाख ४२ हजार दुई सय १० रुपैयाँ कर्जा प्रवाह गरेका छन् । सो अवधिमा खुद ब्याज आम्दानी १४ करोड ८८ लाख ४९ हजार आठ सय चार रुपैयाँ रहेको फाइनान्समा एक दशमलव ३१ प्रतिशत कर्जा निष्क्रिय रहेको छ । सो अवधिमा चार दशमलव ८९ प्रतिशत स्प्रेड दर रहेको फाइनान्सको वितरणयोग्य नाफा भने नौ करोड ४३ लाख ८३ हजार तीन सय १४ रुपैयाँ रहेको छ ।

गत आवको सोही अवधिमा भने फाइनान्सले १७ अर्ब ७१ करोड ९९ लाख ८४ हजार एक सय ८३ रुपैयाँ निक्षेप संकलन गरी १४ अर्ब ३० करोड ५४ लाख २४ हजार तीन सय ३३ रुपैयाँ कर्जा प्रवाह गरेको थियो । उक्त अवधिमा ११ करोड तीन लाख २८ हजार दुई सय ९८ रुपैयाँ रहेको फाइनान्समा निष्क्रिय कर्जाको अनुपात एक दशमलव ७८ प्रतिशत रहेको थियो भने स्प्रेड दर चार दशमलव ३५ प्रतिशत रहेको थियो ।


क्याटेगोरी : वित्त पूँजी बजार

तपाईको प्रतिक्रिया