बीपीडब्लू लघुवित्तको सेयर रजिष्ट्रारमा मेगा क्यापिटल

काठमाडौं । बीपीडब्लू लघुवित्त वित्तीय संस्था लिमिटेडको सेयर रजिष्ट्रारमा मेगा क्यापिटल मार्केट्स लिमिटेड नियुक्त भएको छ । लघुवित्तले सेयर रजिष्ट्रारसम्बन्धी सम्पूर्ण कार्य गर्नको लागि मेगा क्यापिटल मार्केट्ससँग सम्झौता गरेको हो ।

सम्झौतापत्रमा लघुवित्तका प्रमुख कार्यकारी अधिकृत दिलिपकुमार पोखरेल र क्यापिटलका का.मु. प्रमुख कार्यकारी अधिकृत शुलभ श्रेष्ठले हस्ताक्षर गरेका छन् । सम्झौताअनुसार लघवित्तको धितोपत्र कारोबारसम्बन्धी अभिलेख राख्ने, सेयर दाखिल खारेज गर्ने, नामसारी गर्ने र सेयरवालाहरूको लागत अद्यावधिक गरी राख्नेसम्बन्धी सम्पूर्ण कार्यहरू मेगा क्यापिटलले गर्नेछ । बुधबार आयोजित हस्ताक्षर कार्यक्रममा क्यापिटलका बजार विभाग प्रमुख गिरीराज पोखरेल, मर्चेन्ट बैंकिङ इन्चार्ज मनिषा दाहालको उपस्थिति रहेको थियो ।