सपोर्ट लघुवित्तले कमायो २४ लाख ९१ हजार

काठमाडौं । सपोर्ट लघुवित्त वित्तीय संस्थाले चालू आर्थिक वर्षको दोस्रो त्रैमासिक अवधिमा २४ लाख ९१ हजार रूपैयाँ खुद मुनाफा कमाएको छ । गत आवको सोही अवधिमा भने संस्थाको यस्तो नाफा ९९ लाख सात हजार रूपैयाँ रहेको थियो ।

हाल चुक्ता पुँजी आठ करोड ५८ लाख रूपैयाँ रहेको संस्थाले चालू आवको दोस्रो त्रैमासिक अवधिमा २८ करोड ५४ लाख २८ हजार रूपैयाँ निक्षेप संकलन गरी एक अर्ब ३६ करोड ७० लाख आठ हजार रूपैयाँ कर्जा प्रवाह गरेको छ । सो अवधिमा तीन करोड १० लाख ६० हजार रूपैयाँ खुद ब्याज आम्दानी गरेको संस्थाको प्रोभिजन रकम शून्य रहेको छ भने निष्क्रिय कर्जाको अनुपात तीन दशमलव ५३ प्रतिशत रहेको छ ।

गत आवको सोही अवधिमा भने संस्थाले २३ करोड १४ लाख ५३ हजार रूपैयाँ निक्षेप संकलन गरी एक अर्ब १६ करोड ३१ लाख ९९ हजार रूपैयाँ कर्जा प्रवाह गरेको थियो । उक्त अवधिमा तीन करोड ६४ लाख ५९ हजार रूपैयाँ खुद ब्याज आम्दानी गरेको संस्थाको प्रोभिजन रकम आठ लाख ५० हजार रूपैयाँ रहेको थियो भने निष्क्रिय कर्जाको अनुपात तीन दशमलव ७४ प्रतिशत रहेको थियो ।