कारागारमा रहेका इच्छाराजलाई ऋण तिर्न प्रभु बैंकको ताकेता
काठमाडौं । प्रभु बैंकले कारागारमा रहेका तत्कालीन सिभिल बैंकका अध्यक्ष इच्छाराज तामाङलाई कर्जा चुक्ता गर्न सूचना जारी गरेको छ । तामाङले प्रभु बैंकमा गाभिएको तत्कालीन सेञ्चुरी कमर्सियल बैंकबाट आफ्नो नाममा रहेको कम्पनी कोट्से भैरव हाउजिङ एन्ड डेभलपर्स प्रालि र सिभिल फर्निचर एन्ड ट्रेडिङ कम्पनी प्रालिको नाममा करोडौँ ऋण लिएका थिए ।
सिभिल कम्प्लेक्स कालिमाटीमा रजिस्टर्ड कार्यालय रहेको कम्पनीको सञ्चालक तामाङ र उनका व्यावसायिक साझेदार केशवलाल श्रेष्ठ रहेका छन् । यो समूहले कोट्से हाउजिङ र सिभिल फर्निचरको नाउँमा करोडौँ रुपैयाँ कर्जा लिएर नतिरेपछि प्रभु बैंकले बैंकिङ कसुरको अभियोगमा कारागारमा रहेका तामाङको नाउँमा कर्जा चुक्ता गर्न आउन सूचना जारी गरेको छ ।
कर्जा चुक्ता गर्न दिएको मितिभित्र नतिरे ऋणीको नाउँमा बैंकमा धितो राखिएको चल–अचल सम्पत्ति लिलाम गर्ने तयारी बैंकले गरेको छ । प्रभु बैंकले तामाङले लिएको कर्जाको किस्ता (साँवा र ब्याज) सम्बन्धी सर्त कवुलियत उल्लंघन गरेको तथा पटक–पटक मौखिक एवं लिखितरूपमा ताकेता गर्दा समेत सोको पूर्ण बेवास्ता गरी ऋणी तथा जमानतकर्ताले कर्जा नियमित तथा चुक्ता फछ्र्यौट गर्नेतर्फ कुनै चासो नदेखाएको र कर्जा चुक्ता गर्ने विषयमा आलटाल गरेर बसिरहेकाले जेठ ३ गते बुधबारको मितिले ३५ दिनभित्र सबै ऋण भुक्तान गर्न भनेको हो । सूचनाबमोजिम कर्जा चुक्ता गर्ने विषयमा कुनै प्रक्रिया अगाडि नबढाए ऋणी र ऋणी संलग्न सबै कम्पनीहरूलाई कर्जा सूचना केन्द्रको कालोसुचीमा राख्ने र धितोमा रहेको चल–अचल सबै सम्पत्ति लिलाम गर्ने चेतावनी पनि बैंकले दिएको छ ।
ऋण नतिरेको खण्डमा बैंकले कोट्से भैरव हाउजिङको नाममा दर्ता कायम रहेको सिनोन योद्धा गाडी, ब्याकोइ लोडर र महेन्द्र लोडरलगायतका गाडीहरू बोलकबोलमार्फत बिक्री गर्ने तयारी बैंकले गरेको छ । यस्तै सिभिल फर्निचरको नाउँमा बैंकमा धितोको रूपमा रहेको हुन्डाइ र मिनी ट्रिप गाडी समेत लिलाममार्फत बिक्री गर्ने तयारी बैंकको छ ।
प्रभु बैंकले कर्जा चुक्ता गर्नको लागि ताकेता गर्दै चेतावनी दिएका तामाङ अहिले कारागारमा छन् । संगठितरूपमा सहकारी ठगी गरेको आरोपमा तामाङलाई २०७८ असोज १९ गते प्रहरीले पक्राउ गरेको थियो । सिभिल सेभिङ एन्ड क्रेडिट को–अपरेटिभ लिमिटेडका एक हजार छ सय बढी बचतकर्ताको करिब छ अर्ब रुपैयाँ हिनामिना गरेको अभियोगमा तामाङ र श्रेष्ठसहितका झण्डै एक दर्जन व्यक्तिलाई प्रहरीले पक्राउ गरेको थियो । पक्राउ परेका मध्ये केही व्यक्तिहरू अदालतको आदेशअनुसार धरौटीमा रिहा भए पनि तामाङ कारागारमै छन् ।
क्याटेगोरी : बैंक बित्त बजार
ट्याग : #Page 1
ताजा अपडेट
- १६औँ योजनामा आर्थिक वृद्धिको लक्ष्य घटाइयो
- बजेटको आधार नबढाउन सात पूर्वअर्थमन्त्रीको सुझाव
- ‘निजी क्षेत्रको मनोबल उकास्न सरकारले महत्वपूर्ण निर्णय गर्छ’
- दुग्ध विकास संस्थानद्वारा किसानलाई ४८ करोड भुक्तानी
- पहाडी भेगमा आंशिक बदली, बाँकी भागमा मौसम सफा रहने
- देशभर कक्षा १२ को परीक्षा शान्तिपूर्ण रूपमा हुँदै
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया