भनिन्छ, परिश्रमको फल मिठो हुन्छ तर संगत गुनाको फल जस्तो हुन्छ, संगत पनि त्यस्तै हुुन्छ । राम्रो संगत भए राम्रै फल मिल्छ, नराम्रो संगत गरे नरामै्र फल मिल्छ । जो सज्जन मानिस हुन्छ, उसले गलत मानिसको संगत नै गर्दैन । तर जो सज्जन र सुसंस्कृत हुँदैन, उसले जस्तो मानिस नजिक प¥यो, त्यसैसँग नजिक प-यो, त्यसैको संगत गर्छ । अर्थात् ऊसँग सही र गलत छट्याउन सक्ने ज्ञान नै हुुँदैन । जसले जे भन्छ, त्यसले जे भने पनि पत्याउँदै जान्छ । खासगरी त्यस्ता मानिसहरु जसले पछिल्लो पटक जे भनेको छ, त्यसलाई नै विश्वास गर्दछ र त्यही कुरा मान्दै हिँड्छ । तर उसले त्यो सही हो कि गलत भन्ने कुरा छुट्याउने आवश्यकता नै ठान्दैन ।
प्रचण्ड प्रधानमन्त्री हुँदा उनको क्याबिनेटका एक जना मन्त्रीकी कान्छी श्रीमती सिक्किमको मुख्य मन्त्रीको कार्यालयको सचिवालयमा जागिरे थिइन् । अहिले उनी दिल्लीमा जीएमओमा सरुवा भएकीछन । अहिलेको प्रधानमन्त्री केपी ओलीका एक जना विश्वासपात्र र यसअघि महत्वपूर्ण राजनीतिक नियुक्ति पाइसकेका व्यक्तिको श्रीमती चाइनिज दूतावासको भिसा सेक्सनमा कार्यरत रहेकी छिन् । अब यहाँ भनिरहनुपर्दैन कि प्रचण्डका तीन मन्त्रीले कस्तो कुरा सल्लाह दिन्थे होलान् या प्रधानमन्त्री ओलीलाई उनका ती विश्वासपात्रले कस्तो सुझाव दिए होलान् ? यही सरकारले एक जना विज्ञलाई नीतिगत सुझाव दिन महत्वपूर्ण ठाउँमा नियुक्त गरेका छन् । उनकी श्रीमती विदेशी खासगरी युरोपेलीहरुसँग सम्बद्ध संस्थामा कार्यरत छिन् ।
उनीहरुको अन्तर्जातीय विवाह थियो तर उनले अहिलेसम्म पनि श्रीमान्को थर ग्रहण गरेकी छैनन् । किनकि त्यसो गर्दा गोराहरुले उनलाई अहिलेजस्तो महत्व दिँदैैनन् । अब त्यस्तो पारिवारिक मानसिकताको व्यक्तिबाट सरकारले कस्तो नीतिगत सुझाव पाउला ? अहिलेका प्रधानमन्त्री ओलीले अभूतपूर्ण काम गरेका छन् । तर पनि उनले आफ्नै दलका नेताहरुबाट साथ र सहयोग पाउनसकेका छैनन् । त्यस्तो हुुनुको प्रमुुख कारण उनको संगत हो । उनको संगत कस्तो छ भन्ने केलाउन कुुनै कचहरी गरिरहनुुपर्दैन । उनी सरकारमा आएपछि सरकारमा भएका नियुक्ति, सरकारले गरेका नियुक्ति, पार्टीमा उनको तर्फबाट भएका नियुुक्ति वा सिफारिसहरु हेर्दा नै छर्लंग हुन्छ । मारिनुुअघि चरी भनिने दिनेश अधिकारीलाई चिन्थे तर मारिएपछि अधिकारीलाई प्रधानमन्त्रीले चिनेनन् । विराटनगरतिरका डनदेखि काभ्रेका डनसम्म उनको सम्पर्कमा रहेका छन् ।
खेलकुुद परिषद्, रेडियो नेपाल, औद्योगिक क्षेत्र व्यवस्थापन लिमिटेड, गोरखापत्र, रेडियो नेपाललगायतका ठाउँमा भएका नियुुक्तिले प्रधानमन्त्रीको संगत देखाउँछ । त्यसो त मन्त्रिपरिषद्मै भएका केही नियुुक्ति त्यस्तै छन् । राजदूत नियुक्ति मात्र होइन । उनको सिफारिसमा भएका केही सांसदहरुकै बारेमा पार्टीभित्र कुरा उठेका छन् । यस्तो किन भएको हो भने यो प्रधानमन्त्री ओलीको संगत हो । उनका वरिपरिका नै यिनै हुुन् ।
अहिलेको विश्वव्यापी कोरोनाको संक्रमणले आक्रान्त भएको नेपालमा यसको उपचार र रोकथामका नाउँमा समेत नांगो रुपमा भ्रष्टाचार भइरहँदा त्यसबारे र जनजीवनबारे कुुनै सरोकार नै नराखी उनकै पार्टी नेकपाले किन एकोहोरोरुपमा प्रधानमन्त्री र पार्टी अध्यक्ष पदबाट ओलीले राजीनामा दिनुुपर्दछ भनेर घेराबन्दी गरिरहेका होलान् भन्ने प्रश्नको जवाफ खोज्न पनि टाढा जानुुपर्दैन । यस्तो अवस्था आउनुुको कारण संगत गुनाको फल हो ।
प्रधानमन्त्री ओलीले काम राम्रो नगरेका पनि होइनन् । भ्रष्टाचार मात्र गरेका पनि होइनन् । तर अहिले यो घेराबन्दीको अवस्था उनको संगत गुनाको फल हो । उनको सरसल्लाह गर्ने समूहमा आशा लाग्दा र भरोसायोग्य व्यक्ति नै एकाधबाहेक अधिकांश बिचौलिया प्रवृत्तिका छन् । अहिलेको अहिले मालामाल बन्नुुपर्ने, ठाउँका ठाउँमा सिध्याइदिने खालका व्यक्तिबाट घेरिएर बसेपछि प्रधानमन्त्रीले जतिसुकै राम्रो काम गरे पनि कसले काँध हाल्ने । यसअघिको एक मन्त्रीले पदबाट हट्दै गर्दा त्यो गिरोहले प्रधानमन्त्रीलाई भेट्नै नदिएको गुनासो गरेका थिए । प्रधानमन्त्री यो संगत र घेराबन्दीबाट बाहिर ननिस्किँदासम्म यस्तै फल व्यहोरिरहनुपर्दछ ।
क्याटेगोरी : सम्पादकीय
ताजा अपडेट
- ‘मौरिस हर्गोज’ पदमार्गको प्रवर्द्धनका लागि म्याग्दीका जनप्रतिनिधिको पदयात्रा
- क्षमतावान् जनशक्ति उत्पादन र उपयोगमा जोड
- वायुसेवा निगमको व्यावसायिक सुधारका लागि सबै एकतावद्ध हुनुपर्छः मन्त्री तामाङ
- झापामा अज्ञात व्यक्तिको आक्रमणबाट विद्यार्थी घाइते
- मिडियाको सबलीकरण र श्रमजीवी पत्रकारको हित प्रवर्द्धन सँगसँगै अघि बढाउन प्रयासरत छौँ: सञ्चारमन्त्री शर्मा
- इच्छाशक्ति हुने हो भने बजेट आफै व्यवस्थापन हुन्छ: उपप्रधानमन्त्री लामिछाने
- गर्मी बढेपछि बालबालिकामा सङ्क्रामक रोगको समस्या बढ्यो
- वैशाख २३ गते मुख्यमन्त्री अधिकारीले विश्वासको मत लिने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया