Techie
अन्तर्राष्ट्रिय

भारतमा कोभिड १९ संंक्रमितको संख्या १५ लाख ८३ हजार नाघ्यो

नयाँ दिल्ली, साउन १६
भारतमा ‘कोभिड १९’ संक्रमितको संख्या १५ लाख ८३ हजार नाघेको छ । गत २४ घण्टामा भारतका ५२ हजार १ सय २३ मा कोरोना भाइरस पोजेटिभ देखिएपछि कुल संक्रमितको संख्या १५ लाख ८३ हजार ७ सय ९२ पुगेको त्यहाँको केन्द्रीय स्वास्थ्य मन्त्रालयले बिहीबार जनाएको छ । भारतमा गत २४ घण्टामा कोरोना भाइरसको संक्रमणका कारण ७ सय ७५ जनाको मृत्यु भएपछि कुल मृतकको संख्या ३४ हजार ९ सय ६८ जना पुगेको छ । सरकारी अधिकारीहरुका भारतमा कोरोना भाइरस संक्रमित मध्ये १० लाख २० हजार ५ सय २८ व्यक्ति निको भएर फर्किएका छन् । हाल भारतमा ५ लाख २८ हजार २४२ जना कोरोना भाइरस संक्रमित अवस्थामा रहेका छन् ।

भारतको महाराष्ट्र सबैभन्दा प्रभावित बढी कोरोना भाइरस संक्रमण राज्यको रुपमा रहेको छ । महाराष्ट्रमा बुधबार एकै दिनमा नौ हजार २ सय ११ व्यक्ति थप संक्रमित भएका छन् भने एकै दिनमा २ सय ९८ जनाको मृत्यु भएको छ । महाराष्टमा कुल चार लाख ६५१ जना संक्रमित अवस्थामा रहेका छन् भने दुई लाख ७ सय ५५ जना निको भएर घर फर्किएका छन् । हाल महाराष्ट्रमा एक लाख ४६ हजार १ सय २९ जना संक्रमित अवस्थामा नै रुहेका छन् भने । कोरोना संक्रमणको कारण हालसम्म १४ हजार ४ सय ६३ व्यक्तिको मृत्यु भइसकेको छ । (रासस/एएनआइ)

तपाइको प्रतिकृया

यो पनि पढनुहोस