एप्पलको क्यालिफोर्निया र बेलायतका स्टोरहरु अस्थायी रुपमा बन्द

अमेरिका ।
एप्पल इन्कले क्यालिफोर्नियाका ५३ वटा स्टोरहरु अस्थायी रुपमा बन्द गरेको छ । बेलायतमा १६ वटा स्टोरहरु पनि अस्थायी रुपमा बन्द गरिएको छ । कोरोना भाइरस संक्रमणको अर्को लहर सुरु हुनथालेपछि कम्पनीले स्टोरहरु बन्द गरेको रोयटर्सले जनाएको छ ।

यसबारे कम्पनीले शुक्रबार जानकारी दिएको हो । यो समाचारपछि कम्पनीको सेयर मूल्य केही घटेको थियो । यद्यपि माग गरिसकेका उपभोक्ताले भने उत्पादन लिन सक्ने एप्पलका एक प्रवक्ताले जानकारी दिएका छन् । तर बन्द स्टोर पुनः कहिले खुल्छन् भन्नेबारे कम्पनीले केही बताइसकेको छैन ।

अमेरिकामा पछिल्लो समय संक्रमण दर तीव्र छ । अमेरिकामा १ करोड ७४ लाखभन्दा बढी संक्रमित भइसकेका छन् भने ३ लाख १४ हजार जनाको मृत्यु भइसकेको छ । त्यस्तै बेलायतमा पनि प्रधानमन्त्री बोरिस जोन्सनले पुनः लकडाउन घोषणा गरिसकेका छन् । लन्डन र दक्षिणपूर्वी बेलायतमा नयााँ टायर ४ लेभलको लकडाउन घोषणा गरिएको छ । अत्यावश्यक कामका लागि बाहेक मानिसहरुलाई घरभित्रै रहन भनिएको छ ।