अमेरिका ।
संयुक्त राज्य अमेरिकामा गत वर्ष धेरै दान गर्ने सर्वाधिक ५० जनाको सूची सार्वजनिक भएको छ । क्रोनिकल अफ फिलान्थ्रोपिज एनुअल -यांकिङका अनुसार धेरै दान गर्नेमा अमेरिकी अर्बपतिहरु जेफ बेजोस र माइकल ब्लुमबर्ग पनि परेका छन् । बेजोसले बेजोस अर्थ फन्डका लागि १० अर्ब डलर दान गरेका हुन् । गत हप्ता मात्रै सामाजिक कार्य र अन्य परियोजनामा काम गर्नका लागि अमेजनको सीईओ पदमा नबस्ने घोषणा गरेका उनले फिडिङ अमेरिकालाई मात्रै १० करोड डलर दिएको बताइएको छ । फिडिङ अमेरिकाले २ सय बढी फुडबैंकलाई आपूर्ति गर्ने संगठन हो ।
एपीका अनुसार ५० मध्ये दोस्रो नम्बरमा भने बेजोसकै पूर्वपत्नी म्याकेन्जी स्कट छिन् । उनले सन् २०२० मा ५.७ अर्ब डलर दानमा खर्चिएकी छिन् । उनले विभिन्न क्षेत्रका ५१२ संगठनलाई दान गरेकी हुन् । यो सूचीमा ट्विटरका ज्याक डोर्से पनि पाँचौँ नम्बरमा परेका छन् । उनले १ अर्ब १० करोड डलर दानमा खर्च गरेका छन् । यसबाहेक द फाइनान्सियर चार्ल्स स्क्वाब र उनकी श्रीमती हेलेनले ६ करोड ५० लाख डलर दान गरेका छन् । उनीहरु २४ र १४औँ नम्बरमा छन् ।
त्यस्तै नेटफ्लिक्सका सहसंस्थापक रिड हास्टिङ र उनकी श्रमिती पेटी क्विलिनले १२ करोड डलर दान गरेका छन् । चर्चित बास्केट बल खेलाडी माइकेल जोर्डनले ५ करोड डलर दिने प्रतिबद्धता जनाएका छन् । ५० ठूला महादानीहरुले सन् २०२० मा मात्रै २४ अर्ब ७० करोड डलर दान गरेको एजेन्सीहरुले जनाएका छन् । सन् २०१९ मा भने कुल १५ अर्ब ८० करोड डलर मात्रै दानमा खर्च भएको थियो ।
त्यसो त धेरै अर्बपतिमध्ये सानो हिस्साले मात्रै रकम दान गरेका छन् । फोर्ब्स ४०० मध्ये २३ जनाले मात्रै दान गरेर यो सूचीमा अटाएका छन् । अर्बपतिहरुको तुलनामा धेरैजसो लखपतिले रकम दान गरेका छन् । क्रोनिकल वरीयता सन् २०२० मा समाजसेवीहरुले गरेको कुल दान रकमको आधारमा निर्धारण गरिन्छ । यो सूचीमा तेस्रो नम्बरमा माइकल ब्लुमबर्ग परेका छन् । उनले १ अर्ब ६० करोड डलर दान गरेको एपीले जनाएको छ ।
यस्तै चौथो नम्बरमा परेका नाइकका संस्थापक फिल र पेनिलोप नाइटले क्रमशः १ अर्ब ४० करोड र ९० करोड डलर दान गरे । वरीयताको उच्च पाँच दाताले १ अर्ब बढी दान गरेको बताइएको छ । यो रकमले मात्रै गत वर्षको कीर्तिमान तोडेको छ । अघिल्ला वर्षमा तीन दाताबाहेक कसैले पनि १ अर्ब वा सोभन्दा बढी रकम दानमा खर्चिएका छैनन् । ५० मध्ये १६ जना प्रविधि क्षेत्रका धनी छन् ।
क्याटेगोरी : विश्व बजार
ताजा अपडेट
- पूर्वपश्चिम राजमार्गअन्तर्गत बागमती पुल जीर्ण बनेपछि दुर्घटनाको जोखिम
- धरौटिमा छुटे दिपेश पुन
- अर्थमन्त्री पुनको उपस्थितिमा नेपाल र चीनबीच दुई सम्झौतामा हस्ताक्षर
- नेपालमा अर्थतन्त्रका चुनौतीहरू
- भूकम्पका दश वर्ष पुनर्निर्माण अलपत्र
- प्रधानमन्त्रीसँग चिनियाँ अन्तर्राष्ट्रिय विकास सहयोग एजेन्सीका अध्यक्षको शिष्टाचार भेट
- लाभांश बाड्न नसक्ने अवस्थामा फाइनान्स कम्पनीहरु
- १६औँ योजनामा आर्थिक वृद्धिको लक्ष्य घटाइयो
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया