इरानले आणविक कूटनीतिको अवसरलाई हल्का रूपमा लियो : युरोपेली शक्ति राष्ट्रहरू
पेरिस ।
सन् २०१५ मा विश्व शक्ति राष्ट्रहरू र इरानबीच भएको आणविक सम्झौतालाई मानेर विश्व समुदायबीच सहकार्य गर्ने आफ्नो कूटनीतिक ‘अवसरलाई हल्का रूपमा लिनु’ इरानको भूल भएको युरोपेली शक्तिहरूले शुक्रबार बताएका छन् । इरानले सम्झौताको अन्तिम उल्लङ्घन गर्दै सम्झौताविपरीत युरेनियम धातु उत्पादन गर्न सुरु गरेपछि उनीहरूको यो भनाइ आएको हो ।
“सम्झौताको अवज्ञा गर्ने क्रममा इरानले सन् २०१५ को आणविक सम्झौताका लागि गरिएको संयुक्त बृहत् कार्ययोजना (जेसीपीओए) का उद्देश्यहरू पूर्णरूपमा कार्यान्वयन नगरेर कूटनीतिक सम्बन्ध स्थापना गर्ने नयाँ अवसरलाई कम आँकलन गरिरहेको छ”, बेलायत, फ्रान्स र जर्मनीद्वारा जारी विज्ञप्तिमा भनिएको छ ।
अमेरिकी राष्ट्रपति जो बाइडेनको प्रशासनले तेहरानको आणविक कार्यक्रमसम्बन्धी सन् २०१५ मा भएको सम्झौतालाई नयाँ वार्ता र छलफलबाट पुनर्जीवन दिने आशाविश्व समुदायले गरिरहेका समय तेहरानले यसका लागि कूटनीतिक पहल अघि बढाउनुको सट्टा एकपछि अर्को गर्दै सम्झौताका सर्तहरूलाई उल्लङ्घन गरेको यी युरोपेली मुलुकहरूले ठहर गरेका छन् ।
सन् २०१५ मा अमेरिकी राष्ट्रपति बाराक ओबामाको पहलमा विश्वका प्रमुख शक्ति राष्ट्रहरू अमेरिका, चीन, रूस, बेलायत, फ्रान्स, जर्मनीले इरानसँग आणविक हतियार नियन्त्रणका लागि सम्झौता गरेका थिए । सन् २०१८ को जुलाइमा अमेरिकी राष्ट्रपति डोनाल्ड ट्रम्पले सम्झौता आफ्नो मुलुकको हितमा नभएको दाबी गर्दै यसबाट फिर्ता भएको घोषणा गर्नुभएको थियो ।
उनले सम्झौताबाट फिर्ता हुँदै इरानमाथि पहिलेभन्दा आर्थिक नाकाबन्दीलाई कडा पारेका थिए । अमेरिकी उक्त कदमपछि इरानले अमेरिका सम्झौताबाट फिर्ता भएको अवस्थामा यो सम्झौतालाई आफूले मात्रै मान्न नसक्ने भन्दै क्रमशः सम्झौताका सर्तहरूलाई उल्लङ्घन गर्दै आएको छ ।
क्याटेगोरी : विश्व बजार
ताजा अपडेट
- पाठ्यक्रममै प्रविधिको विकास गरौँ
- पूर्वपश्चिम राजमार्गअन्तर्गत बागमती पुल जीर्ण बनेपछि दुर्घटनाको जोखिम
- धरौटिमा छुटे दिपेश पुन
- अर्थमन्त्री पुनको उपस्थितिमा नेपाल र चीनबीच दुई सम्झौतामा हस्ताक्षर
- नेपालमा अर्थतन्त्रका चुनौतीहरू
- भूकम्पका दश वर्ष पुनर्निर्माण अलपत्र
- प्रधानमन्त्रीसँग चिनियाँ अन्तर्राष्ट्रिय विकास सहयोग एजेन्सीका अध्यक्षको शिष्टाचार भेट
- लाभांश बाड्न नसक्ने अवस्थामा फाइनान्स कम्पनीहरु
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया