एप्पलको बजार एकाधिकारबारे जर्मनीमा अनुसन्धान
बर्लिन ।
बजार प्रतिस्पर्धाबारे नियमन गर्ने जर्मन अधिकारीहरुले चर्चित कम्पनी एप्पलको बजार एकाधिकारबारे अनुसन्धान सुरु गरेको छ । द फेडेरल कार्टेल अफिस (एफसीओ) ले अनुसन्धानको सुरुमा कम्पनीको बजारमा सर्वोच्चताबारे हेरिने जनाएको छ ।
यता एप्पलले भने एफसीओको ध्यानाकर्षणबारे खुल्ला वार्ताबारे सोचिरहेको जनाएको छ । फेसबुक, अमेजन र गुगलजस्ता अन्य बहुराष्ट्रिय प्रविधि कम्पनीहरुले पनि एप्पलले जस्तै अनुसन्धानको सामना गरिरहेका छन् । जर्मनीमा पछिल्लो समय प्रतिस्पर्धासम्बन्धी नयाँ कानुन कार्यान्वयनमा आएको छ ।
एफसीओाका अध्यक्ष आन्द्रे मन्ड्टले एक वक्तव्वयमा एप्पलको डिजिटल इकोसिस्टम आईओएस र यसले बजारमा पारेको प्रभावबारे परीक्षण गर्ने जनाइएको छ । अनुसन्धानको मुख्य केन्द्रविन्दु एप स्टोर हुनेछ । यही स्टोरले थर्ड पार्टीका व्यावसायिक गतिविधिमा प्रभाव पार्न एप्पललाई धेरै बाटाहरु दिएको हुन्छ ।
गत जुन महिनामा बेलायतको प्रतिस्पर्धा र बजार अधिकार (सीएमए) निकायले एप्पल र गुगलविरुद्ध मोबाइल स्टोर, अपरेटिङ सिस्टम र वेब ब्राउजरलाई लिएर अनुसन्धान गरिरहेको बताएको थियो ।
सुरुवाती अनुसन्धानबाट प्राप्त नतिजाअनुसार एप्पलको विशेष अभ्यासबारे विस्तृत अनुसन्धान हुने भएको छ । एफसीओले एप्पलको बजार अभ्यासलाई लिएर धेरै उजुरी परेको जनाएको छ । सोही कारण एप्पलविरुद्ध थप अनुसन्धान हुनसक्नेछ ।
जर्मनीमा एप्पलको आईओएस एप कम्पनीले साढे दुई लाखभन्दा धेरै रोजगारी दिएको दाबी गरिएको छ ।
क्याटेगोरी : विश्व बजार
ताजा अपडेट
- धरौटिमा छुटे दिपेश पुन
- अर्थमन्त्री पुनको उपस्थितिमा नेपाल र चीनबीच दुई सम्झौतामा हस्ताक्षर
- नेपालमा अर्थतन्त्रका चुनौतीहरू
- भूकम्पका दश वर्ष पुनर्निर्माण अलपत्र
- प्रधानमन्त्रीसँग चिनियाँ अन्तर्राष्ट्रिय विकास सहयोग एजेन्सीका अध्यक्षको शिष्टाचार भेट
- लाभांश बाड्न नसक्ने अवस्थामा फाइनान्स कम्पनीहरु
- १६औँ योजनामा आर्थिक वृद्धिको लक्ष्य घटाइयो
- बजेटको आधार नबढाउन सात पूर्वअर्थमन्त्रीको सुझाव
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया