भारतको विद्युत् आपूर्ति बढ्यो

नयाँ दिल्ली, माघ २२
भारतको विद्युत् आपूर्ति जनवरी महिनामा ३.२५ प्रतिशतले बढेको छ । लगातार पाँच महिनासम्म घटेको विद्युत् आपूर्ति पुनः वृद्धि भएको प्रान्तीय सरकारको तथ्यांकले देखाएको हो । यसले ऊर्जा उत्पादकहरुमा खुसी ल्याएको छ । जनवरीमा विद्युत् आपूर्ति बढेर १ खर्ब ६ अर्ब युनिटसम्म पुगेको रोयटर्सले जनाएको छ । गत वर्ष १ खर्ब ३ अर्ब युनिटमात्रै रहेको थियो । प्रान्त सरकारहरुको पावर सिस्टम अपरेसन कर्पको तथ्यांकले यस्तो देखाएको हो । संघीय ऊर्जा मन्त्रालयअन्तर्गत रहेको भारतको केन्द्रीय विद्युत् प्राधिकरणले आधिकारिक तथ्यांक यही महिनाको अन्त्यतिर सार्वजनिक गर्ने बताइएको छ । पोसोकोले हरेक दिनको विद्युत् खपतसम्बन्धी तथ्यांक सार्वजनिक गर्ने गर्छ ।