‘कोलम्बो पोर्ट सिटी’मा व्यवसाय दर्ता प्रक्रिया सुरू
कोलम्बो । श्रीलंकाका राष्ट्रपति रनिल विक्रमासिंगेले चीनद्वारा निर्मित कोलम्बो बन्दरगाह सहरमा व्यवसाय सञ्चालन गर्न चाहने व्यवसाय दर्ता गर्न आवश्यक पर्ने कानुन जारी गरेका छन् ।
राष्ट्रपतिले बुधबार राति असाधारण राजपत्रमा अर्थ, आर्थिक स्थायित्व र राष्ट्रिय नीति मन्त्रीको रूपमा यी नियमहरू जारी गरेका हुन् । कोलम्बो पोर्ट सिटीमा व्यवसाय सुरु गर्न चाहने फर्म वा व्यक्तिले कोलम्बो पोर्ट सिटी आर्थिक आयोग (सीपीसीईसी) अनुमति प्राप्त आधिकारिक व्यक्तिको रूपमा योग्य हुन आवेदन दिनु र यसलाई स्वीकृत गर्नु जरूरी छ ।
सीपीसीईसीले आवेदन र सहायक कागजातहरूको मूल्यांकन गरेपछि सैद्धान्तिक रूपमा अनुमोदनको पत्र जारी गर्नेछ । यदि आवेदकले सबै कानुनी र नियामक आवश्यकताहरू पूरा गरेको छ र अनुमोदनको पत्रमा उल्लिखित सबै शर्तहरूको पालना गरेको छ भन्ने कुरामा आयोग सन्तुष्ट छ भने यसले आवेदकलाई कोलम्बो पोर्ट सिटीमा व्यवसायमा संलग्न हुन अनुमतिस्वरूप आवेदकलाई इजाजतपत्र जारी गर्नेछ ।
यो इजाजतपत्र जारी भएको मितिले १२ महिनाको अवधिका लागि मान्य हुनेछ । तर, अनुमतिपत्र जारी भएको छ महिनाभित्र आवेदकले व्यवसाय सुरु नगरेमा इजाजतपत्र रद्द हुनेछ ।
चीनद्वारा प्रस्तावित ‘बेल्ट एण्ड रोड इनिसिएटिभ’को ढाँचाअन्तर्गत समुद्रबाट पुनःप्राप्त भएको मानिने र कोलम्बो सहरमा गाभिएको कोलम्बो पोर्ट सिटी २६९ हेक्टर जमिनमा सेवामूलक विशेष आर्थिक क्षेत्रको रूपमा स्थापित भइरहेको छ ।
क्याटेगोरी : विश्व बजार
ताजा अपडेट
- पाठ्यक्रममै प्रविधिको विकास गरौँ
- पूर्वपश्चिम राजमार्गअन्तर्गत बागमती पुल जीर्ण बनेपछि दुर्घटनाको जोखिम
- धरौटिमा छुटे दिपेश पुन
- अर्थमन्त्री पुनको उपस्थितिमा नेपाल र चीनबीच दुई सम्झौतामा हस्ताक्षर
- नेपालमा अर्थतन्त्रका चुनौतीहरू
- भूकम्पका दश वर्ष पुनर्निर्माण अलपत्र
- प्रधानमन्त्रीसँग चिनियाँ अन्तर्राष्ट्रिय विकास सहयोग एजेन्सीका अध्यक्षको शिष्टाचार भेट
- लाभांश बाड्न नसक्ने अवस्थामा फाइनान्स कम्पनीहरु
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया