ईयू र जर्मनीबीच जीवाश्म इन्धन प्रयोग हुने कार हटाउने योजनामा सम्झौता
ब्रसेल्स । युरोपेली संघ (ईयू) र जर्मनीबीच सन् २०३५ सम्ममा जीवाश्म इन्धन प्रयोग गर्ने कार बिक्रीलाई चरणबद्ध बनाउने पूर्वविवादित विषयमा सम्झौता भएको छ ।
सिन्ह्वाका अनुसार सन् २०३५ देखि जीवाश्म इन्धन कारहरूको नयाँ बिक्रीमा प्रतिबन्ध लगाउने ऐतिहासिक सम्झौताले सन् २०५० सम्ममा शुद्ध–शून्य हरितगृह ग्याँस उत्सर्जनको साथ ‘जलवायु–तटस्थ’ अर्थव्यवस्था बन्ने ईयूको महत्वाकांक्षी योजनाको लागि महत्वपूर्ण छ ।
तर यस महिनाको सुरुमा एक अभूतपूर्व कदममा, अग्रणी कार निर्माता मुलुक जर्मनीले अन्तिम समयमा सम्झौतालाई रोकेपछि यो पहिले नै परम्परागत ईयू विधायी प्रक्रिया अन्तर्गत अनुमोदित भएको थियो । शनिबार घोषणा गरिएको सम्झौता अनुसार कानूनले ‘सिन्थेटिक इन्धन’मा चल्ने दहन इन्जिनको साथ नयाँ कारहरूको बिक्रीलाई बर्लिनले ब्रसेल्सलाई अनुमति दिनेछ ।
‘हामीले भविष्यमा कारमा विद्युतीय इन्धनको प्रयोगका लागि जर्मनीसँग सम्झौता गरेका छौँ’, ईयूका वातावरण आयुक्त फ्रान्स टिमरम्यान्सले ट्वीटरमा सम्झौताबारे भनेका छन्, ‘हामी अब जतिसक्दो चाँडो कार नियमनको लागि कार्बनडाईअक्साइड उत्सर्जन नियनत्रण गर्ने मानकहरू अपनाउने काम गर्नेछौँ ।’
जर्मनीका यातायातमन्त्री भोल्कर विसिङलले यदि दहन इन्जिन भएका सवारीसाधनले कार्बन डाइअक्साइड उत्सर्जनमा ‘तटस्थ इन्धन’ मात्र प्रयोग गरेमा सन् २०३५ पछि पनि दर्ता भइरहन सक्ने बताए ।
युरोपेली आयोग र जर्मनीबीच गतिरोध तोड्न हप्तौं लामो वार्ता प्रारम्भिक पाठमा प्रस्तुत गरिएको भन्दा ‘सिन्थेटिक इन्धन’मा बलियो प्रतिबद्धताको लागि बर्लिनको इच्छामा केन्द्रित थियो ।
क्याटेगोरी : विश्व बजार
ट्याग : #Page 5
ताजा अपडेट
- पूर्वपश्चिम राजमार्गअन्तर्गत बागमती पुल जीर्ण बनेपछि दुर्घटनाको जोखिम
- धरौटिमा छुटे दिपेश पुन
- अर्थमन्त्री पुनको उपस्थितिमा नेपाल र चीनबीच दुई सम्झौतामा हस्ताक्षर
- नेपालमा अर्थतन्त्रका चुनौतीहरू
- भूकम्पका दश वर्ष पुनर्निर्माण अलपत्र
- प्रधानमन्त्रीसँग चिनियाँ अन्तर्राष्ट्रिय विकास सहयोग एजेन्सीका अध्यक्षको शिष्टाचार भेट
- लाभांश बाड्न नसक्ने अवस्थामा फाइनान्स कम्पनीहरु
- १६औँ योजनामा आर्थिक वृद्धिको लक्ष्य घटाइयो
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया