दोलखामा असोज ७ गतेबाट विद्यालयमै पठनपाठन सुचारु हुने
सुबास बस्नेत
दोलखा, भदौ ३१
कोरोना भाइरस रोकथामको लागि सरकारले जारी गरेको लकडाउन र त्यसपछिको निषेधाज्ञाले चैतदेखि ठप्प बनेको शैक्षिक क्षेत्र दोलखामा सुचारू गर्ने निर्णय गरिएको छ । जिल्लामा विगत ६ महिनादेखि बन्द रहेका सम्पूर्ण विद्यालयमा आगामी असोज ७ गतेबाट पठनपाठन सुरु गरिने भएको हो । स्वास्थ्य सुरक्षाका सबै मापदण्ड अपनाएर आधारभूत र माध्यामिक तहको पठनपाठन सुचारु गर्ने निर्णय भएको छ ।
स्थानीय तहका जनप्रतिनिधिसहित मंगलबार बसेको जिल्ला शिक्षा समन्वय समितिको बैठकले स्वास्थ्य सुरक्षा मापदण्डसहित कार्ययोजना बनाएर आधारभूत र मावि तहको कक्षा सञ्चालन गर्ने निर्णय गरेको हो । जिल्ला शिक्षा समन्वय एकाइ संयोजक तथा जिल्ला समन्वय समितिका प्रमुख डबल पाण्डेका अनुसार आधारभूत तहका विद्यार्थीलाई सिकाइ केन्द्रको रूपमा टोलटोलमै पुगेर शिक्षकहरूबाट पठनपाठन गराइनेछ ।
यसैगरी ६ देखि १० कक्षासम्मका लागि भने विद्यालयमै कक्षा सञ्चालन हुनेछ । कक्षा सञ्चालन गर्न कोरोना रोकथामका उपाय तथा स्वास्थ्य सामग्री मास्क, स्यानिटाइजरसहित स्वास्थ्य सुरक्षा मापदण्ड लागू गर्नुपर्ने बैठकले निर्णय गरेको छ । बढी विद्यार्थी संख्या भएका विद्यालय र कक्षाको हकमा रोलनम्बरअनुसार जोरबिजोर प्रणालीअनुसार विद्यार्थीलाई कक्षामा सहभागी गराइनेछ । दोलखाका केही स्थानीय तहले यसअघि नै विद्यालय खोल्ने निर्णय गरेका थिए ।
क्याटेगोरी : नेपाल
ताजा अपडेट
- दुग्ध विकास संस्थानद्वारा किसानलाई ४८ करोड भुक्तानी
- पहाडी भेगमा आंशिक बदली, बाँकी भागमा मौसम सफा रहने
- देशभर कक्षा १२ को परीक्षा शान्तिपूर्ण रूपमा हुँदै
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया