हस्तकला महासंघद्वारा अस्पताल र आइसोलेसन सेन्टरलाई स्वास्थ्य सामग्री हस्तान्तरण
काठमाडौं ।
नेपाल हस्तकला महासंघले कोभिड १९ बिरामीहरुको उपचारार्थ स्वास्थ्यकर्मीहरुको लागि स्वास्थ्य सामग्री हस्तान्तरण गरेको छ । महासंघले परोपकार प्रसूति तथा स्त्रीरोग अस्तपाल, शुक्रराज टपिकल तथा सरुवारोग अस्पताल र पाटन स्वास्थ्य विज्ञान प्रतिस्ठान (पाटन अस्पताल)लाई व्यक्तिगत सुरक्षा (पीपीई) सेटलगायत स्वास्थ्य सामग्री हस्तान्तरण गरेको हो ।
उक्त स्वास्थ्य सामग्री महासंघका अध्यक्ष सुरेन्दभाई शाक्य, वरिष्ठ उपाध्यक्ष प्रचण्ड शाक्यलगायतले परोपकार प्रसूति तथा स्त्रीरोग अस्पतालकी प्रशासकीय अधिकृत रानु थापालाई, शुक्रराज ट्रपिकल तथा सरुवारोग अस्पतालका सागर राजभण्डारी र पाटन स्वास्थ्य विज्ञान प्रतिस्ठानका निर्देशक रवि शाक्यलाई हस्तान्तरण गरेका हुन् ।
साथै महासंघले ललितपुर महानगरपालिकाका प्रमुख चिरीबाबु महर्जन र लुम्बिनी प्रदेश मुख्य मन्त्री कार्यालयमा पनि पीपीई सेटलगायत स्वास्थ्य सामग्री हस्तान्तरण गरिएको थियो भने क्षेत्रपाटी निःशुल्क चिकित्सालय र ललितपुरस्थित च्यासल, नागबहाल, पुल्चोकको ओश्वरमहाविहार लगायत चाकुपाट १२ वडामा रहेका आइसोलेसन सेन्टरहरुमा पनि विभिन्न स्वास्थ्य सामग्री दिई सहयोग गरिएको थियो ।
महासंघद्वारा जम्मा एक हजार थान फुट कभर, एक सय ८० बक्स ग्लोभ्स, १० हजार पिस सर्जिकल मास्क, दुई सय पिस एन९५ मास्क, एक हजार थान फेसशिल्ड, सय थान पीपीई सेट र ४० जार सेनिटाइजर स्वास्थ्य सामग्री सहयोग गरिएको हो ।
क्याटेगोरी : नेपाल
ताजा अपडेट
- १६औँ योजनामा आर्थिक वृद्धिको लक्ष्य घटाइयो
- बजेटको आधार नबढाउन सात पूर्वअर्थमन्त्रीको सुझाव
- ‘निजी क्षेत्रको मनोबल उकास्न सरकारले महत्वपूर्ण निर्णय गर्छ’
- दुग्ध विकास संस्थानद्वारा किसानलाई ४८ करोड भुक्तानी
- पहाडी भेगमा आंशिक बदली, बाँकी भागमा मौसम सफा रहने
- देशभर कक्षा १२ को परीक्षा शान्तिपूर्ण रूपमा हुँदै
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया