जुरेपीडितको नाममा संकलित रकम आठ वर्ष हुँदा पनि सरकारी खातामै
सिन्धुपाल्चोक । सिन्धुपाल्चोकको जुरेमा २०७१ सालमा आएको पहिरोपीडितहरुको नाममा संकलित रकम हालसम्म पनि सरकारी खातामा नै रोकिएर बसेको पाइएको छ । जुरेपीडितको नाममा संकलित दुई करोड २४ लाख रुपैयाँ आठ वर्षसम्म पनि सरकारी खातामा नै रोकिएको हो । उक्त पहिरोमा परी एक सय ४५ जनाले ज्यान गुमाएका थिए । संयोगले बाँचेकाहरु पनि अहिले दुःखको जीन्दगी बिताउन बाध्य छन् ।
जुरेपीडितलाई सरकारले भूूकम्पपीडितसरह मानेर आवास निमार्णको लागि तीन लाख दिएको थियो । सोही रकमले पीडितले सरकारी जग्गामा टहरो बनाएर बस्नुपरेको छ । पीडित भन्छन्, ‘हाम्रो लागि उठेको पैसा सरकारी खातामा छ, हामी सरकारी जग्गामा टहरो बनाएर बस्नुपरेको छ ।’ बाह्रबीसे नगरपालिका ५ राम्चेको ठूली तामाङ जुरे पहिरोमा परी घाइते भइन् । उनी अहिलेसम्म पनि राम्रोसँग हिँडडुल गर्न सक्दिनन् । छ महिनाको उपचारपछि राम्चे फर्किएर उनले सरकारी जग्गामा टहरा बनाएर बस्दै आएकी छिन् । सरकारले पीडितहरुको व्यवस्थापनको लागि संकलन भएको रकम वितरण नगर्दा आफ्नो नामको जग्गामा घर बनाउन नसकेको उनी बताउँछिन् ।
यस्तै जुरे पहिरोमा लामोसांघुका सुवास तामाङले परिवारका सबै सदस्य गुमाए । त्यसयता उनी छिमेकीको आश्रयमा बसिरहेका छन् । सरकारले जुरे पहिरोपीडितलाई एकीकृत बस्ती बसाउने, जग्गा उपलब्ध गराउने आश्वासन दिए पनि काम भएको छैन । जुरे पहिरोका कारण एक सय ४५ जनाको मृत्यु भएको थियो भने सयभन्दा धेरै परिवार विस्थापित भएका थिए । जुरेपीडितहरु केही जग्गा किनेर वा राजधानी पसेर बसे पनि २५ परिवार भने अहिले पनि सरकारी जग्गामा टहरो हालेर बसेका छन् ।
सात वर्षअघि नै वितरण हुनुपर्ने रकम समयमै वितरण हुन नसक्दा पीडित अन्योलमा परेका हुन् । उनीहरुको नाममा संकलित रकम पीडितलाई दिलाउन पहल भइरहेको जनप्रतिनिधि बताउँछन् । तर लामो संघर्ष गर्दा पनि रकम नपाएकोमा पीडितहरु निराश र आक्रोसित छन् । यतिलामो समय हुँदा पनि वास्तविक पीडित को–को हुन् भन्ने स्थानीय तहले निक्र्यौल समेत गर्न सकेको छैन ।
क्याटेगोरी : नेपाल
ताजा अपडेट
- अमेरिकालाई ‘सीमा’ ननाघ्न चीनको चेतावनी
- शान्तिपूर्ण रूपमा इलाम–२ मा मतदान सुरु
- सुदूरपश्चिम, गण्डकी र कोशी प्रदेशका केही स्थानमा हुरीबतासको चेतावनी
- आज इलाम र बझाङमा उपनिर्वाचन
- पाठ्यक्रममै प्रविधिको विकास गरौँ
- पूर्वपश्चिम राजमार्गअन्तर्गत बागमती पुल जीर्ण बनेपछि दुर्घटनाको जोखिम
- धरौटिमा छुटे दिपेश पुन
- अर्थमन्त्री पुनको उपस्थितिमा नेपाल र चीनबीच दुई सम्झौतामा हस्ताक्षर
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया