अभिनेता अनमोल केसी पक्राउ

अभिनेता अनमोल केसी पक्राउ परेका छन् । शुक्रबार साझ भक्तपुरको साँगाबाट उनलाई उपत्यका अपराध अनुसन्धान कार्यालय काठमाडौंको टोलीले पक्राउ गरेको हो ।

केसीले आपराधिक विश्वासघात गरेको आरोप लागेको छ । रावायण चलचित्र निर्माण समूहले केसीविरुद्ध किटानी जाहेरी दिएको थियो ।

अभिनेता केसीले चलचित्रमा अभिनय गर्छु भनि १० लाख लिएको तर चलचित्र खेल्न मानेका थिएनन् । जाहेरी आएपछि धेरैपटक छलफलका लागि प्रहरीले बोलाउँदा नआएपनि उनलाई पक्राउ पुर्जी जारी गरेर नियन्त्रणमा लिएको प्रहरीले बताएको छ ।