घरेलु कार्यालयको राजस्व संकलनमा ३२ प्रतिशतले गिरावट
सोलुखुम्बु । घरेलु तथा साना उद्योग कार्यालय सोलुखुम्बुको राजस्व संकलनमा ३२ प्रतिशतले गिरावट आएको छ । गत आर्थिक वर्षको पहिलो छ महिनाको तुलनामा चालू आर्थिक वर्षको सोही अवधिमा ३२ दशमलव ८० प्रतिशतले राजस्व संकलनमा कमी आएको हो ।
कार्यालयका सूचना अधिकारी सुनिता राईका अनुसार गत आर्थिक वर्ष २०७७/०७८ को पहिलो ६ महिनमा २६ लाख ६८ हजार चार सय रुपैयाँ राजस्व संकलन भएको चालू आर्थिक वर्षको सोही अवधिमा १७ लाख ९३ हजार एक सय ५० रुपैयाँ मात्रै राजस्व संकलन भएको छ । गत वर्ष विभिन्न पालिका, कृषि ज्ञान केन्द्रलगायतका कार्यालयहरूले अनुदानको कार्यक्रम लागू गरेका कारण कृषि उद्योग दर्ता संख्या बढेको कार्यालयले जनाएको छ ।
तर चालू आर्थिक वर्षमा त्यस्ता अनुदानका कार्यक्रमहरू न्यून मात्रामा हुँदा उद्योग दर्ताको संख्यामा कमी आएको सूचना अधिकारी राईले बताए । साथै गत वर्ष वित्तीय संस्थाहरूले सहुलियत कर्जाको व्यवस्था गरेकाले पनि उद्योग तथा वाणिज्य दर्ताको संख्या स्वतः बढेको जनाइएको छ । कार्यालयले उद्योग दर्ता, वाणिज्य दर्ता, नवीकरण, उद्देश्य थप, पुँजी वृद्धि, नामसारी, प्रतिलिपिलगायतका सेवाबाट शुल्क लिने गरेको छ ।
जिल्लामा उद्योगको संख्या तीन हजार नाघ्यो
चालू आर्थिक वर्षको पहिलो ६ महिनामा तीन सय १२ वटा फम घरेलु तथा उद्योग कार्यालयमा दर्ता भएको छ । जसमा उद्योगतर्फ दुई सय ३६ वटा नयाँ दर्ता, एक सय ३ वटा नवीकरण तथा वाणिज्यतर्फ ७६ वटा नयाँ दर्ता र ७८ वटा नवीकरण भएको कार्यालयले जनाएको छ ।
यससँगै जिल्लामा हालसम्म उद्योग दर्ता संख्या तीन हजार दुई सय ७५ र वाणिज्य दर्ता संख्या एक हजार ४९ वटा पुगेको कार्यालय प्रमुख मेघराज बस्नेतले जानकारी दिए । उनले भने, ‘दर्ताको संख्याचहिँ बढेको छ, तर यहाँ दर्ता भएका कतिपय फमहरू निस्क्रिय पनि भएका छन् । कुनै फर्महरू अनुदानका लागि दर्ता गर्छन् भनि अनुदान सकिएपछि निरन्तरता दिँदैनन् ।’
क्याटेगोरी : समाचार
ताजा अपडेट
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
- सिटिजन लाइफद्वारा जेन जेड लक्षित कार्यक्रम सञ्चालन
- सय दिनको रोजगारीको लागि १५ हजार बढीको आवेदन
- सूर्य नेपाल काठमाडौं ओपनको दोस्रो दिन दिनेश र भुवन शीर्षस्थानमा
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया