राष्ट्र बैंकद्वारा ६० अर्ब तरलता प्रशोचन
काठमाडौँ । वित्तीय प्रणालीबाट चालू आर्थिक वर्षको पछिल्लो आठ महिनामा ६० अर्ब रुपैयाँ तरलता प्रशोचन भएको छ । नेपाल राष्ट्र बैंकका अनुसार यस अवधिमा रिभर्स रिपोमार्फत २८ अर्ब ३५ करोड र निक्षेप संकलन उपकरणमार्फत ३१ अर्ब ६५ करोड गरी कुल ६० अर्ब तरलता प्रशोचन गरिएको हो ।
अघिल्लो वर्षको सोही अवधिमा रिभर्स रिपोमार्फत एक खर्ब नौ अर्ब ५४ करोड र निक्षेप संकलन उपकरणमार्फत एक खर्ब ९३ अर्ब ७५ करोड गरी कुल तीन खर्ब तीन अर्ब २९ करोड तरलता प्रशोचन भएको राष्ट्र बैंकको भनाइ छ । समीक्षा अवधिमा रिपोमार्फत तीन खर्ब ९३ अर्ब ३७ करोड, सोझै खरिद उपकरणमार्फत ५५ अर्ब ९२ करोड र स्थायी तरलता सुविधामार्फत ४६ खर्ब २१ अर्ब ४८ करोड गरी कुल ५० खर्ब ७० अर्ब ७६ करोड तरलता प्रवाह गरिएको छ ।
राष्ट्र बैंकका अनुसार चालू आवको पछिल्लो आठ महिनामा विदेशी विनिमय बजार अर्थात् वाणिज्य बैंकहरुमा अमेरिकी डलर एक अर्ब २२ करोड खुद खरिद गरी एक खर्ब ४७ अर्ब १४ करोड तरलता प्रवाह गरेको छ । अघिल्लो वर्षको सोही अवधिमा विदेशी विनिमय बजारबाट अमेरिकी डलर दुई अर्ब ४३ करोड खुद खरिद गरी दुई खर्ब ८६ अर्ब ६८ करोड तरलता प्रवाह गरिएको थियो ।
समीक्षा अवधिमा अमेरिकी डलर तीन अर्ब १० करोड बिक्री गरी तीन खर्ब ७० अर्ब ६२ करोड बराबरको भारतीय रुपैयाँ खरिद भएको छ । अघिल्लो वर्षको सोही अवधिमा अमेरिकी डलर दुई अर्ब ८४ करोड बिक्री गरी तीन खर्ब ३४ अर्र्ब ६५ करोडबराबरको भारतीय रुपैयाँ खरिद भएको राष्ट्र बैंंकले जानकारी दिएको छ ।
कुल आन्तरिक कर्जा १० दशमलव पाँच प्रतिशतले वृद्धि
पछिल्लो समय कुल आन्तरिक कर्जा बढेको छ । नेपाल राष्ट्र बैंकका अनुसार चालू आर्थिक वर्षको पछिल्लो आठ महिनामा कुल आन्तरिक कर्जा १० दशमलव पाँच प्रतिशतले बढेको हो ।
अघिल्लो वर्र्षको सोही अवधिमा उक्त कर्जा १३ प्रतिशतले बढेको थियो । वार्षिक विन्दुगत आधारमा २०७८ फागुन मसान्तमा यस्तो कर्जा २४ दशमलव तीन प्रतिशतले बढेको छ । राष्ट्र बैंकका अनुसार समीक्षा अवधिमा मौद्रिक क्षेत्रको निजी क्षेत्रमाथिको दाबी १३ दशमलव नौ प्रतिशतले बढेको छ ।
अघिल्लो वर्षको सोही अवधिमा यस्तो दाबी १७ दशमलव पाँच प्रतिशतले बढेको थियो । वार्षिक विन्दुगत आधारमा २०७८ फागुन मसान्तमा मौद्रिक क्षेत्रको निजी क्षेत्रमाथिको दाबी २२ दशमलव पाँच प्रतिशतले बढेको राष्ट्र बैंकको भनाइ छ ।
क्याटेगोरी : समाचार
ताजा अपडेट
- ‘मौरिस हर्गोज’ पदमार्गको प्रवर्द्धनका लागि म्याग्दीका जनप्रतिनिधिको पदयात्रा
- क्षमतावान् जनशक्ति उत्पादन र उपयोगमा जोड
- वायुसेवा निगमको व्यावसायिक सुधारका लागि सबै एकतावद्ध हुनुपर्छः मन्त्री तामाङ
- झापामा अज्ञात व्यक्तिको आक्रमणबाट विद्यार्थी घाइते
- मिडियाको सबलीकरण र श्रमजीवी पत्रकारको हित प्रवर्द्धन सँगसँगै अघि बढाउन प्रयासरत छौँ: सञ्चारमन्त्री शर्मा
- इच्छाशक्ति हुने हो भने बजेट आफै व्यवस्थापन हुन्छ: उपप्रधानमन्त्री लामिछाने
- गर्मी बढेपछि बालबालिकामा सङ्क्रामक रोगको समस्या बढ्यो
- वैशाख २३ गते मुख्यमन्त्री अधिकारीले विश्वासको मत लिने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया