ऊर्जा क्षेत्रमा सहकार्य गर्न बंगलादेशलाई नेपाल चेम्बर अफ कमर्सको प्रस्ताव
काठमाडौं । नेपाल चेम्बर अफ कमर्सले ऊर्जा क्षेत्रमा सहकार्य गर्न बंगलादेशसँग प्रस्ताव गरेको छ । नेपाल छिट्टै विद्युत् निर्यात गर्नसक्ने हैसियतमा पुग्न लागेको सन्र्दभमा बंगलादेशसँग विद्युत् व्यापारका लागि चेम्बरले आग्रह गरेको हो ।
नेपाल बंगलादेशबीच कूटनीतिक सम्बन्ध स्थापना भएको ५० वर्ष पुगेको अवसरमा काठमाडौंस्थित बंगलादेशी दूतावासमा शुक्रबार आयोजित कार्यक्रममा चेम्बर अध्यक्ष राजेन्द्र मल्लले नेपाल, भारत र बंगलादेशबीच भएको विद्युत् व्यापारसम्बन्धी त्रिपक्षी सम्झौताको व्यावहारिक कार्यान्वयन हुनुपर्नेमा जोड दिए ।
नेपालका लागि बंगलादेशका राजदूत सलाहुद्धिन नोमान चौधरीसँग अध्यक्ष मल्लले भने, ‘नेपाल, भारत र बंगलादेशबीच ऊर्जा व्यापारका लागि त्रिपक्षीय सम्झौता भएको छ । यसको प्रभावकारी कार्यान्वयनका लागि तीन देशका ऊर्जामन्त्रीबीच तत्काल परिणाममुखी वार्ता गर्न आवश्यक छ । हामी निजी क्षेत्रबाट पहल गर्छौँ । बंगलादेशको सरकारबाट पनि यसको पहल होस् । नेपाल बंगलादेशलाई विद्युत् बेच्न तयारी अवस्थामा छ ।’ नेपाल कम्तीमा अबको एक वर्षपछि विद्युत् निर्यात गर्नसक्ने हैसियतमा पुग्ने अध्यक्ष मल्लको भनाइ छ । भारतमा हालकै ट्रान्समिसन लाइनबाट कम्तीमा ५० मेवागट विद्युत् निर्यातका लागि तयारी गर्न सकिने र अन्य सेवा सर्तका लागि तीनवटै मुलुकले गृहकार्य गर्नुपर्ने अध्यक्ष मल्लले बताए ।
बंगलादेशमा ऊर्जाको माग उच्च रहेको सन्दर्भमा नेपालबाट निर्यात गर्ने विभिन्न विकल्पमा दुई पक्षीय छलफल भएको थियो । नेपाल, बंगलादेश र भारतबीच ऊर्जा व्यापार सम्वन्धी सम्झौता भएपनि यसको व्यवहारिक कार्यन्वयन हुन सकेको छैन । चेम्बर अध्यक्ष मल्ले विद्युत व्यापारको सहजीकरणसँगै नेपालमा जलविद्युत्मा लगानी गर्न बंगलादेशका राजदूत चौधरीसँग आग्रह गरे । यस्तै नेपालमा साना तथा मझौला उद्योगमा समेत लगानीका लागि नेपाल खुला रहेको र लगानी सुरक्षणका लागि सरकारसँग आफूहरूले पहल गर्ने अध्यक्ष मल्लले बताए । नेपाल चेम्बर अफ कमर्सले आगामी असारमा गर्न लागेको चेम्बर मेलामा बंगलादेश मुख्य साझेदार रहेको छ ।
नेपालका लागि राजदूत चौधरीले नेपालमा उत्पादिन विद्युत् किन्नका लागि बंगलादेश तयार रहेको बताए । उनले भने, ‘अबको केही देशकभित्रै बंगलादेशले ग्रीन इनर्जीलाई प्रोत्साहन गर्नेछ । सोहीअनुसार हाम्रा प्राथमिकताहरू, योजनाहरू बनिरहेका छन् । नेपालको विद्युत् खरिद गर्नका लागि हामी आतुर छौँ ।’
भारतको बाटो भएर विद्युत् खरिद गर्नका लागि आवश्यक प्रक्रिया तत्काल सुरु गर्न आफ्नो देशको सरकारसमक्ष पहल गर्ने राजदूत चौधरीले बताए । यद्यपि अन्य क्षेत्रमा लगानीका लागि नीतिगत सुधारको अपेक्षा गरिएको उनले बताए । नेपालसँग लगानी सुरक्षणसम्बन्धी छुट्टै सम्झौता गर्न पहल गरे पनि परिणाम हासिल हुन नसकेको उनको भनाइ थियो ।
क्याटेगोरी : समाचार
ताजा अपडेट
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
- सिटिजन लाइफद्वारा जेन जेड लक्षित कार्यक्रम सञ्चालन
- सय दिनको रोजगारीको लागि १५ हजार बढीको आवेदन
- सूर्य नेपाल काठमाडौं ओपनको दोस्रो दिन दिनेश र भुवन शीर्षस्थानमा
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया