पुराना सम्पदाको संरक्षण, पोखरीको उत्खनन
गलेश्वर । म्याग्दीको बेनी नगरपालिकाले नगरपालिकाभित्रका पुराना सम्पदाको संरक्षणका लागि मौलिकस्वरुप नविग्रने गरी पुनःनिर्माण तथा उत्खननको काम सुरु गरेको छ । नगरपालिका – ७ भित्रका धार्मिक तथा ऐतिहासिक मठमन्दिर, चौतारी पोखरी र अन्य ऐतिहासिकस्थलको पुनःनिर्माण तथा संरक्षणको काम सुरु भएको छ ।
यसै क्रममा नगरपालिका–७ भित्रका सयवर्ष पुराना पोखरी उत्खनन गरी पुनः निर्माणको काम अघि बढाइएको वडाअध्यक्ष रमेश श्रेष्ठले जानकारी दिए । मङ्गलाघाटस्थित म्याग्दी नदी माथिको तीन सय ३४ वर्ष पुरानो झोलुङ्गे पुलको पुनः मर्मतलगायत धार्मिक मान्यता र पर्यावरणीय शुद्धतासँग सम्बन्धित वरपिपल, चौतारी र पोखरी संरक्षण तथा मर्मत सम्भारलाई नगरपालिकाले अभियान सञ्चालन गरेका बेनी नगरपालिकाका उपप्रमुख ज्योति लामिछानेले राससलाई जानकारी दिए ।
वडा कार्यालयले बेनी–महारानी सडकखण्ड अन्तर्गतको पुरानो पोखरी संरक्षणका लागि चालु आवमा रु. पाँच लाख बजेट विनियोजन गरेर संरक्षणको काम थालेको वडाअध्यक्ष रमेश श्रेष्ठले बताए । “पोखरी आसपासमा मर्मतकार्य जारी छ, चौतारी र पोखरीमा घुम्न मिल्ने गरी पूर्वाधार बनाउँछौँ”, वडा अध्यक्ष श्रेष्ठले भने । पोखरी आसपास क्षेत्रमा तारजाली संरक्षण गरी बस्न मिल्ने संरचना र पोखरीमा पानी जम्मा गरिनेछ ।
नगरपालिका–६ का वडाअध्यक्ष कृष्णबहादुर बानियाँले आफ्नो वडाभित्रका ऐतिहासिक, प्राकृतिक र धार्मिक महत्वका सम्पदाको संरक्षण अभियान नै सुरु गरेका छन् । हालसम्म २० वटा पुराना चौतारीको पुनःनिर्माण, सातवटा नयाँ चौतारी निर्माण, पानीका मुलको संरक्षण, पोखरी पुनःनिर्माण गरिसकिएको उनले जानकारी दिए ।
क्याटेगोरी : पालिका समाचार, नगरपालिका
ताजा अपडेट
- दुग्ध विकास संस्थानद्वारा किसानलाई ४८ करोड भुक्तानी
- पहाडी भेगमा आंशिक बदली, बाँकी भागमा मौसम सफा रहने
- देशभर कक्षा १२ को परीक्षा शान्तिपूर्ण रूपमा हुँदै
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया