गाउँमा इन्डक्सन चुलोको प्रयोग बढ्दो
दोलखा । पछिल्लो समय सहर बजारसँगै गाउँघरमा पनि विद्युतीय (इन्डक्सन) चुलोको प्रयोगमा वृद्धि हुँदै गएको छ । ग्यास तथा दाउरा प्रयोग हुने चुलोबाट भन्दा विद्युतीय चुलोबाट समयको बचतसँगै खर्च पनि कम र वातावरण संरक्षणमा समेत सहयोग पुग्ने हुँदा ग्रामीण गाउँबस्तीमा यसको प्रयोग वृद्धि हुँदै हो ।
जिल्लाको वैतेश्वर गाउँपालिकामा एक वर्षको अवधिमा पाँच सय बढी घरधुरीले विद्युतीय इन्डक्सन चुलो जोडेका छन् । ग्रामीण क्षेत्रमा ऊर्जा तथा वातावरणीय विकाससँगै विद्युतीय चुलो प्रवद्र्धन गर्दै आएको गैरसरकारी संस्था पीडाले यस क्षेत्रमा विद्युतीय चुलो प्रयोगको लागि समन्वय गर्ने गरेको छ । उक्त संस्थाको सहयोगमा गाउँपालिकाभित्रका वडा नम्बर–१,२,३ का दुई सय ७० घरपरिवार र वडा नम्बर–६ र ७ का दुई सय ३० घरधुरीलाई विद्युतीय इन्डक्सन चुलो वितरण गरिएको संस्थाका कार्यक्रम संयोजक गौरव हमालले बताए । पीडाले स्थानीयलाई ५५ प्रतिशत अनुदान सहयोगमा चुलो वितरण गरेको हो । करिब १० हजार मूल्य पर्ने इन्डक्सन चुलो स्थानीय घरधुरीबाट पीडाले चार हजार पाँच सय रुपैयाँ मात्रै लिएर वितरण गर्ने गरेको छ । सिलिन्डर ग्यासभन्दा इन्डक्सन ६० प्रतिशत सस्तो हुने उनले जानकारी दिए ।
पीडाले वैतेश्वरका सबै वडामा इन्डक्सन चुलोको प्रयोगलाई बिस्तार गर्दै लैजाने उद्देश्यसहित थप चार सय घरधुरीमा चुलो जोड्ने तयारी थालेको छ । वैतेश्वरमा करिब छ हजार घरधुरी रहेका छन् । पीडाले पञ्चवर्षीय ऊर्जासम्बन्धी योजना बनाएर वैतेश्वरमा ऊर्जा उपसमिति समेत गठन गरेको छ ।
क्याटेगोरी : प्रदेश समाचार, बागमती प्रदेश
ट्याग : #Page 8
ताजा अपडेट
- गुणस्तरीय शिक्षामा जोड दिन आवश्यक छ: प्रधानमन्त्री दाहाल
- ‘नदी धमिलिने बित्तिकै मेलम्ची बन्द’
- धौलागिरि अस्पतालमा तीन वर्षे नर्सिङ पढाइ हुने
- माल्दिभ्स, श्रीलङ्का र नेपालको देशीय निर्देशकमा सिस्लेन
- कर्णाली प्रदेश: चालु खर्च बढ्यो, पुँजीगत खुम्चियो
- पेट्रोलियम पदार्थ ढुवानीमा भएको अवरोध हटाउन कांग्रेसको माग
- वर्षा सुरु नहुँदै निर्माणाधीन पक्की पुलको खम्बा बाङ्गियो
- पहिचान निर्माणका लागि चाडपर्वको भूमिका महत्वपूर्ण छ: अध्यक्ष नेपाल
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया