प्रदेश १ को नाम ‘कोशी’

काठमाडौें, बुधबारदेखि सातवटै प्रदेशले नाम पाएका छन् । बुधबार प्रदेश नम्बर १ ले ‘कोशी’ नाम पाएसँगै सातवटै प्रदेशले नाम पाएका हुन् । यसअघि प्रदेश संसद्को पहिलो बैठकबाट छवटा प्रदेशले नाम रखेका थिए ।

प्रदेशसभाका अन्तिमतिर प्रदेश नम्बर २ ले मधेश प्रदेश नाम पाएको थियो । प्रदेश नम्बर १ को नाम कोशी राख्न प्रमुख दलहरु नेकपा एमाले, नेपाली कांग्रेस र माओवादी सहमत भएपछि नाम राख्न सहज भएको हो । माओवादीले जातीय रुपमा नाम राख्ने भनेर जनतालाई उचाल्ने गरे पनि कुनै पनि प्रदेशको नाम जातका आधारमा राख्न पछिल्लो समयमा रुचि देखाएको थिएन । त्यही कारण सहज रुपमा जातविनाको नाम राख्न एमाले र कांग्रेस सफल भएका हुन् ।

प्रदेशसभाको दोस्रो कार्यकाल सुरु भएको दुई महिनामै प्रदेश नम्बर एकले कोशी प्रदेश नाम पाएको हो । बुधबार प्रदेशमा भएको निर्वाचनमा प्रदेश नम्बर १ को नाम कोशी राख्ने पक्षमा ८२ मत परेको थियो । विपक्षमा चार मत परेको थियो । ९३ सदस्यीय प्रदेशसभामा मतदानको बेला ८७ सांसद मात्र उपस्थित थिए । जसपाकी सांसद निर्मला लिम्बू र राप्रपाकी सांसद सविना बजगाईँले भने ढिला भएको कारण मतदानमा भाग लिन पाएनन् ।