मर्स्याङ्दी जलविद्युत केन्द्रद्वारा २२ करोडको मुआब्जा वितरण
तनहुँ । तनहुँको आँबुखैरेनी गाउँपालिका वडा नं.२ स्थित मर्स्याङ्दी जलविद्युत केन्द्रले बाँधको किनारमा रहेको जग्गालाई मुआब्जा दिन थालेको छ । केन्द्रले नौ रोपनी १० आना दुई पैसा तीन दाम जग्गा अधिग्रहण गरी जग्गाधनीलाई करिब २२ करोड रुपैयाँको मुआब्जा दिन थालेको हो ।
आयोजनाको बाँधले त्यस क्षेत्रका वस्ती डुबान र कटानमा परेपछि जग्गा अधिग्रहण गरी मुआब्जा दिन थालिएको केन्द्रका प्रमुख पशुपति गौतमले जानकारी दिए । त्यहाँका स्थानीय मुआब्जा दिएर सुरक्षित स्थानमा स्थानान्तरण गर्न माग गर्दै आएका थिए ।
सोही बमोजिम १३ घर परिवारको जग्गा अधिग्रहण गरिएको गौतमले बताए । उनका अनुसार १३ घर परिवारलाई कूल २१ करोड ७८ लाख ८५ हजार नौ सय ६७ रुपैयाँ प्रदान गरिने छ । जसमध्ये जग्गाका लागि १७ करोड ८७ लाख ८६ हजार छ सय ५२ रुपैयाँ र घरटहराका लागि तीन करोड ९० लाख ९९ हजार तीन सय १५ रुपैयाँ वितरण हुनेछ ।
गत साउन २६ गते तनहुँका प्रमुख जिल्ला अधिकारीको अध्यक्षतामा बसेको मुआब्जा निर्धारण समितिको बैठकको निर्णयअनुसार यसअघि ८० प्रतिशतभन्दा बढी मुआब्जा वितरण गरिसकिएको थियो । समितिको बैठकले जग्गाको प्रतिरोपनी एक करोड ८४ लाख ९२ हजार छ सय ८० रुपैयाँका दरले जग्गाको मुआब्जा निर्धारण गरेको थियो ।
क्याटेगोरी : पूर्वाधार विकास / उर्जा
ताजा अपडेट
- सन्दीपलाई टी-२० विश्वकप खेल्ने टोलीमा समावेश गर्न आईसीसीले दियो अनुमति
- बेनीका विद्यार्थीलाई पढाइसँगै सीप
- भारतमा नरेन्द्र मोदीको लोकप्रियता र ध्रुवीकरणको एक दशक
- अरूको ‘परिचय चोरेर’ उत्तर कोरियालीहरूलाई अमेरिकी कम्पनीमा कसरी दिइयो जागिर
- नेपालको विकासमा रूसको ठूलो सहयोग छ: उपप्रधानमन्त्री श्रेष्ठ
- प्रहरी चौकीसंगै रहेको हनुमानथानबाट हनुमानको मुकुट चोरी !
- खुकुरी प्रहार गरी फरार रहेका दश जना पक्राउ
- नेपालमा बैबाहिक जबरजस्ति करणीको कानुन आउनुको विधिशास्त्रीय औचित्य
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया