सुबास बस्नेत
दोलखा, वैशाख २९
दोलखाका विभिन्न भेगमा आइतबार दिउँसो परेको असिनापालीले हिउँदे बाली नष्ट बनाउदा किसान चिन्तित बनेका छन् । असिनापानीले वैतेश्वर र जिरीका धेरै किसानले लगाएको हिउँदे बालीमा धेरै क्षेति गरेको छ । गहुँ, आलु तथा मकै बालीमा असिनाले सबैभन्दा बढी क्षेती गरेको छ । आइतबार परेको बाक्लो असिनापानीले आफ्नो १० रोपनी जग्गामा लगाएको आलु र गहुँबाली नष्ट गरिदिएको वैतेश्वर गाउँपालिका वडा नम्बर ८ का किसान हरि बस्नेतले बताए । त्यसैगरी वडा नम्बर सातका किसान केदार कार्कीले पनि आफ्नो १२ रोपनी खेतमा लगाएको गहुँ ,मकै तथा आलुमा असिनाले क्षेती गरेको दुखेसो गरे ।
हिउँदमा लगाएको आलु तथा गहुँ बाली भित्र्याउने सिजन चलेपनी किसानले करिब दुई सातदेखि नियमित परेको वर्षाका कारण भित्र्याउन सकिरहेका छैनन् । लगातारको झरीले बाली भित्र्याउन नसक्दा बारीमा नै कुहिएर गएको वैतेश्वर गाउँपालिका नाम्दुका किसान नवराज शिवाकोटीले बताए । उनले भने, ‘बिहान देखि नै साउन भदौको जस्तै झरी पर्छ, पानी पर्दा आलु खन्न सकिँदैन ।’ उनले करिब ८ रोपनी जग्गामा आलु खेती गरेका छन् । त्यस्तै गहुँ पनि असिना पानीले खेतमा नै सबै क्षेति झारिदिएको उनले बताए । मौसमले साथ नदिदा खेति भित्र्याउन नपाई लगानी डुब्नुको साथै आगामी वर्ष खाद्यान्नको अभाव सिर्जना हुने कृषकहरूको भनाइ छ ।
जिरी नगरपालिकाको प्रमुख बाली मानिने आलु खेतीमा पनि आइतबार परेको असिना पनीले क्षेति गरेको छ । साउन भदौमा खन्नेगरी लगाएको आलू बालीमा उम्रनेबित्तिकै असिनाले हान्दा उत्पादन घट्ने जिरी नगरपालिका ८ का किसान सोनाम शेर्पाले बताए । उनले गतवर्ष करिब पाँच लाखको आलु उत्पादन गरेर बिक्री गरेका थिए । करिब २५ रोपनी पाखो बारीमा लगाएको आलुमा सुरुमै असिना लाग्दा यो पटक गत वर्षको जस्तो उत्पादन नहुने उनको भनाइ छ । जिरीका धेरै क्षेत्रमा लगाएको आलु र मकै बालीमा असिनापानीले क्षेती गरेको सो भेगका किसानहरूले जानकारी दिएका छन् ।
क्याटेगोरी : समाचार
ताजा अपडेट
- नेपालमा गोगोरो ब्याट्री स्वापिङ र क्रसओभर जिएक्स२५० स्कुटर सार्वजनिक
- सामसङको ग्यालेक्सी एम५५ फाइभजी नेपालमा
- राकुटेन भाइबरले सबै सरकारी निकायसँग सम्झौता गर्ने
- लगानी सम्मेलनको प्रतिबद्धता र नयाँ सरकारको आवश्यकता
- खरर्बौं लगानीको होटलले उद्योगको मान्यता कहिले पाउने ?
- डढेलोको प्रकोपप्रति सरकारी उदासीनता
- वडाबाटै सामाजिक सुरक्षाभत्ता वितरण
- डढेलोले ड्रयागन फ्रुट फार्म खरानी
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया