सोलुखुम्बु । सोलुखुम्बुका किसानलाई यतिबेला अलैँची टिप्न भ्याइनभ्याई भएको छ । जिल्लाको पश्चिमी भेगका किसानको प्रमुख नगदेबालीको रुपमा रहेको अलैँची पाक्न थालेपछि किसानलाई टिप्न भ्याइनभ्याई भएको हो ।
अलैँची टिप्ने मौसम भएकाले अहिले किसानहरू दशैँतिहार जस्ता ठुला चाडपर्वको समेत प्रवाह नगरी अलैँची टिप्न, छोडाउन र सुकाउन व्यस्त छन् । कामको सिलसिलामा जिल्ला बाहिर रहेका तथा सहर पसेका किसानहरु दशैँको अवसरमा घर फर्किएको मौका छोपि अलैँची भित्र्याउनमा जुटेको लिखुपिकेका किसान कृष्ण बस्नेतले बताए । असोजको पहिलो सातादेखि जिल्लाको लिुखुपिके गाउँपालिका क्षेत्रका विभिन्न स्थानमा लगाइएको अलैँची टिप्न सुरु गरिएको छ । अलैँची पाक्न थालेपछि थन्क्याउन अर्थात टिप्नलाई ढिलो भएमा चरामुसाले खाएर नोक्सानी गर्ने भएकाले पनि यतिबेला किसानलाई भ्याइनभ्याई भएको हो । पाकेको अलैँची टिप्न केही दिन मात्रै ढिलो गरेको चरा, मुसा र कालाजस्ता जङ्गली जीवले खाएर सखाब बनाउने गरेको गोलीका सुरतबहादुर बस्नेतले बताए । सोही कारण अन्य सबै काम छोडेर अलैँची पाक्ने अहिलेको सिजनमा किसानलाई भ्याइनभ्याई हुने गरेको उनले बताए ।
अलैँची सिजनमा सबैतिर एकै पटक टिप्ने र थन्क्याउने काम गर्नुपर्ने भएकाले काम गर्ने जनशक्ति नै नपाइने हुँदा थप व्यस्त हुनुपरेको पनि किसानको भनाइ छ । लिखुपिकेलाई जिल्लाको मुख्य अलैँची उत्पादन हुने क्षेत्रको रुपमा लिइन्छ, तर महाकुलुङ क्षेत्रमा पनि केहि मात्रामा अलैँची खेती हुने गरेको किसानले बताएका छन् । जिल्लाको गोली, भकान्जे, चौलाखर्क, बुदेल, बुङ, सोताङ, अँधेरी लगायतका क्षेत्रमा गरी एक सय हेक्टरभन्दा बढी क्षेत्रफलमा व्यावसायिकरूपमा अलैँची खेती हुने गरेको छ । गोली भकान्जे, चौलाखर्क, बुङ, गुदेललगायतका क्षेत्रलाई तत्कालीन कृषि विकास कार्यालय सोलुखुम्बुको कार्यसमितिले अलैँची पकेट क्षेत्र नै घोषणा गरेको थियो । जिल्लामा गत वर्ष करिब एक सय ५० हेक्टर क्षेत्रफलमा गरिएको व्यवसायीक अलैँची खेतीबाट एक सय ३० मेट्रिकटन अलैँची उत्पादन भएको छ । पछिल्लो केही वर्षयता अलैँचीको उत्पादनशिल क्षेत्र क्रमिक रुपले वृद्धि भइरहेको कृषि ज्ञान केन्द्र सोलुखुम्बुले जनाएको छ ।
क्याटेगोरी : सहकारी–कृषि
ट्याग : #Page 8
ताजा अपडेट
- क्यालिफोर्नियाको सानफ्रान्सिस्कोमा नेपाल परेड कार्यक्रम सम्पन्न
- राष्ट्रपतिबाट संसद्को संयुक्त बैठकमा नीति तथा कार्यक्रम प्रस्तुत हुने
- नेपाल प्रहरीको प्रवक्तामा प्रहरी वरिष्ठ उपरीक्षक कार्की
- भन्सार विभाग घेर्न पुगेका आजपाका कार्यकर्ता र प्रहरी बीच झडप
- उद्योगमन्त्री भण्डारीसँग चिनियाँ लगानीकर्ताको भेट
- क्षेत्रपाका किसानलाई अनुदानमा मौरीघार र हातेट्याक्टर वितरण
- आईसीसी टी–२० विश्वकप क्रिकेट : १७ राष्ट्रको टोली घोषणा, तीन टोलीको अझै बाँकी
- वैशाखमा आगलागीमा परि २६ को मृत्यु
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया