साना तथा मझौला उद्योगी व्यवसायीको छुट्टै वेबसाइट प्रस्तुत
विराटनगर, जेठ ११
कोरोनाको चपेटामा पूरै विश्वको अर्थतन्त्र डगमगाइरहेको अवस्थामा सुनसरी मोरङ औद्योगिक करिडोरमा सञ्चालित उद्योगी व्यवसायीदेखि लिएर विराटनगरमा केन्द्रित साना तथा मझौला व्यवसायी अहिले आफ्नो अस्तित्वका लागि आन्दोलित बन्नपुगेका छन् । एकातिर विश्व नै आफ्नो अर्थतन्त्र जोगाउन आफ्नो देशका उद्योग व्यापारहरुलाई बचाउने रणनीति बनाउने क्रममा छ । तर नेपालमा भने त्यस्को ठीक विपरीत भइरहेको अवस्था छ ।
उद्योगी तथा व्यवसायीहरुको छाता संगठनका रुपमा आफूलाई दाबी गर्दै आएका मोरङ व्यापार संघ र उद्योग संगठन मोरङले आफ्ना पदाधिकारीका मात्रै उद्योग जोगाउनेतर्फ ध्यान केन्द्रित गरेका कारण साना तथा मझौला उद्योगी तथा व्यवसायीहरुले छुट्टै समूह निर्माण गरेका छन् । साना तथा मझौला उद्योगी व्यवसायीहरुले छाता संगठनले व्यवसायीको हितमा काम गर्नुको सट्टा उल्टै आआफ्नो स्वार्थमा लागेको बताएका छन् । छाता संगठनका नेतृत्वकर्ताहरु साना तथा मझौला व्यवसायीलाई धराशायी बनाउन उद्यत रहेको उनीहरुको आरोप छ ।
लगातार दुई महिनादेखि आ–आफ्नो व्यवसाय एवं उद्योग बन्द गरी बसेका साना व्यापारीहरुलाई हेर्ने र तिनीहरुका आवाज सुन्ने कोही नभएको भन्दै उनीहरुले परिवर्तनका लागि आवाज भन्ने वेबसाइटमार्फत एउटा छुट्टै सन्जाल निर्माण गरेका छन् । उनीहरुले उक्त सञ्जालमार्फत साना तथा मझौला उद्योगहरुमा कोरोनाका कारण गरिएको लकडाउनले भएको क्षति संकलन गर्न थालेका छन् । व्यापार संघ र उद्योग संगठनमा आफ्नो उद्योग व्यवसाय सदस्य भए पनि संस्थाको चुनावताका मात्रै साना तथा मझौला उद्योगलाई सम्झिने गरेको उनीहरुको भनाइ छ । सुनसरी मोरङ औद्योगिक करिडोरमा सञ्चालित उद्योगका व्यवसायीहरु अहिले दुई खेमामा विभाजित बनेका छन् । यिनै विवादका कारण उद्योगी व्यवसायीको हितका लागि भन्दै सञ्चालनमा रहेका उद्योग संगठन मोरङ र मोरङ व्यापार संघ जस्ता धेरै पुराना संस्था समेत अहिले आएर विवादित बन्नपुगेका छन् ।
क्याटेगोरी : समाचार
ताजा अपडेट
- समसामयिक राजनीतिक व्यङ्ग्य
- अर्थतन्त्रको आकार बढाउन गर्नुपर्ने काम
- ६ वटा बैंक राष्ट्र बैंकको कारबाहीमा
- व्यवस्थापन गर्न कठिन एकल विन्दु सेवा केन्द्र
- देशभर इन्टरनेट सेवामा समस्या
- संसद्को बजेट अधिवेशन आह्वान
- रामगीता वाङ्मय मन्दिर अमेरिका–नेपालद्धारा तीन स्रष्टालाई एकसाथ पुरस्कृत
- ज्ञानेश्वरको ६ रोपनी सरकारी जग्गा बानिता अग्रवालले कसरी गरिन् कब्जा ?
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया