काठमाडौं । नाडा अटोमोबाइल एसोसिएसन अफ नेपालले नाराणहिटी संग्रहालयमा अवैध संरचना निर्माण गरेको बतास समूहको बचाउ गरेको छ । नाडाले एक विज्ञप्ति जारी गर्दै बतास समूहमाथि चरित्रहत्या र अमर्यादित व्यवहार गरिएको भन्दै आपत्ति जनाएको छ ।
नारायणहिटी दरबार संग्रहालयमा बतास समूहले सरकारले नै निर्धारण गरेको कानुनी प्रक्रियाअनुसार टेन्डर प्रक्रियामा सहभागी भई छनोट भएको नाडाको भनाइ छ । नाडाले जारी गरेको विज्ञप्तिमा भनिएको छ, ‘समूहले सरकारले तोकेको भाडा बुझाउने शर्तमा क्याफटेरिया सञ्चालनसम्बन्धी अनुमति पनि सरकारबाट नै प्राप्त गरेको थियो । स्वयं सरकारबाट अनुमति पाएको सन्दर्भमा निजीक्षेत्रले व्यवसाय गर्नु एउटा स्वाभाविक प्रक्रिया हो ।’ सरकारबाट अनुमति पाएर पनि बतास समूहले आफ्नो जिम्मेवारीलाई अघि नबढाउनु गैरकानुनी हुनुपर्नेमा उल्टो अघि बढाउँदा बतास समूहलाई आपराधिक समूहको रुपमा परिभाषित गर्ने प्रयास गरिएको नाडाको दाबी छ । नाडाले भनेको छ, ‘प्रक्रिया र कानुनविपरीत भएका गतिविधिमाथि सरकारले अंकुश लगाउने र कारबाही गर्ने कुरालाई यस एसोसिएसनले अन्यथा लिने प्रश्न नै आउँदैन, कुनै पनि आरोपको सत्यतथ्यको खोजी गरिनुपर्छ र आरोप प्रमाणित भएपश्चात् मात्र दण्डित हुनुपर्छ भन्ने हाम्रो मान्यता हो ।’
सरकारले व्यवसाय सञ्चालन गर्न अनुमति प्रदान गरिसकेको सन्दर्भमा एकपक्षीय रुपमा व्यवसायीलाई मात्र दोष दिएर समग्र निजी क्षेत्रकै मनोबल गिराउने प्रयासले नेपालमा लगानीको वातावरणमा समेत नकारात्मक प्रभाव पार्ने नाडाको भनाइ छ ।
क्याटेगोरी : कर्पोरेट-वाणिज्य-उद्योग
ताजा अपडेट
- जनताका पक्षमा सरकारले ऐतिहासिक काम गरेको छ: प्रधानमन्त्री
- ब्याजदर स्थिर राख्ने अमेरिकी केन्द्रीय बैंकको निर्णय
- एसिया प्रशान्त क्षेत्रमा वृद्धवृद्धाको संख्या दोब्बर बढ्ने अनुमान
- नारायणी डेभलपमेन्ट बैंकको साधारणसभा
- अन्तर्राष्ट्रिय औद्योगिक व्यापार मेलाको तयारी पूरा
- एनसेलकी एक्टिङ सीटीओ कंसाकार ‘नेसनल आइसिटी एक्सिलेन्स अवार्ड’ बाट सम्मानित
- नागरिक लगानी कोषले पाल्पा सिमेन्टको सेयर प्रत्याभूति गर्ने
- सन सेक्युरिटिजद्वारा नेपाली श्रमिकका लागि लाइफटाइम निःशुल्क रेमिट डिम्याट खाता सुरु
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया