वासिङटन । सेमिकन्डक्टर चिपको भण्डार रित्तिन थालेको यसका उत्पापदकहरुले बताएका छन् । अमेरिकी डिपार्टमेन्ट अफ कमर्सले विश्वमा चिप अभाव जारी रहँदा भण्डार पनि रित्तिनथालेको कम्पनीहरुलाई उद्धृत गर्दै भनेको छ ।
एक सय ५० भन्दा धेरै कम्पनीहरुमा गरिएको एक सर्वेका क्रममा सन् २०१९ मा औसत ४० दिनलाई पुग्ने आपूर्ति अहिले सन् २०२१ को अन्त्यतिर आइपुग्दा पाँच दिनमा झरेको भेटिएको हो । महामारीका बेला यसको बिक्री ह्वात्तै बढेको थियो । यसले उत्पादकलाई माग भेट्टाउन निकै संघर्ष गर्नुपरेको थियो । यसको अभाव गहिरिँदा धेरै ठूला उद्योगहरुमा असर पुगेको छ ।
दशौँ लाख कार, वासिङ मेसिन, स्मार्टफोन र धेरै वस्तुहरु यही चिपमा निर्भर हुन्छन् । ‘उच्च माग र भएकाको पूर्ण सदुपयोगले यो संकट समाधान दीर्घकालीन रुपमा गर्न घरेलु क्षमता नै बढाउनुपर्ने निश्चित देखियो’, अमेरिकी वाणिज्य विभागकी सचिव जिना राइमोन्दोले एक वक्तव्यमा भनेकी छिन् । उक्त अध्ययनले सेमिकन्डक्टरको माग सन् २०१९ मा भन्दा गत वर्ष १७ प्रतिशतले बढेको देखाएको छ ।
यसैबीच, अमेरिकी तल्लो सदनका डेमोक्रेटिक सांसदहरुले मंगलबार चीनसँग प्रतिस्पर्धा गर्न ५२ अर्ब डलर लगानीसम्बन्धी विधेयक ल्याएका छन् जसले यसको उत्पादन र अनुसन्धानमा सघाउ पुग्छ । माथिल्लो सदनमा उक्त विधेयक जुनमै पास भइसकेको छ । राष्ट्रपति जो बाइडेनले पनि यसलाई पास गर्न र चिप उत्पादनमा सहयोग गर्न जोड दिइरहेका छन् । गत हप्ता इन्टेलले अमेरिकी राज्य ओहायोमा विश्वकै ठूलो चिप उत्पादन कारखाना बनाउन २० अर्ब डलर लगानी गर्ने बताएको थियो ।
गत नोभेम्बरमा सामसङले अमेरिकी सहर टेक्ससमा आफ्नो नयाँ कम्प्युटर चिप प्लान्टका लागि १७ अर्ब डलर लगानी गर्ने बताएको थियो । यो प्लान्ट सन् २०२४ को मध्यतिर सञ्चालनमा आउनेछ । यो दक्षिण कोरियाली कम्पनीको अहिलेसम्मकै ठूलो अमेरिकी लगानी हो ।
क्याटेगोरी : विश्व बजार
ताजा अपडेट
- ‘मौरिस हर्गोज’ पदमार्गको प्रवर्द्धनका लागि म्याग्दीका जनप्रतिनिधिको पदयात्रा
- क्षमतावान् जनशक्ति उत्पादन र उपयोगमा जोड
- वायुसेवा निगमको व्यावसायिक सुधारका लागि सबै एकतावद्ध हुनुपर्छः मन्त्री तामाङ
- झापामा अज्ञात व्यक्तिको आक्रमणबाट विद्यार्थी घाइते
- मिडियाको सबलीकरण र श्रमजीवी पत्रकारको हित प्रवर्द्धन सँगसँगै अघि बढाउन प्रयासरत छौँ: सञ्चारमन्त्री शर्मा
- इच्छाशक्ति हुने हो भने बजेट आफै व्यवस्थापन हुन्छ: उपप्रधानमन्त्री लामिछाने
- गर्मी बढेपछि बालबालिकामा सङ्क्रामक रोगको समस्या बढ्यो
- वैशाख २३ गते मुख्यमन्त्री अधिकारीले विश्वासको मत लिने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया