चार करोड कारोबार गर्दै १० दिने दोलखा महोत्सव सम्पन्न
दोलखा । दोलखा चेम्बर अफ कमर्सको आयोजनामा भएको १० दिने दोलखा महोत्सव आइतबार सकिएको छ । महोत्सवमा चार करोड रुपैयाँबराबरको कारोबार भएको आयोजकले जनाएको छ ।
गत फागुन १९ गते उद्घाटन गरिएको महोत्सवको आइतबार समापन गरिएको हो । महोत्सवको समापन बागमती प्रदेशका सभामुख भुवन पाठकले गरेका थिए । कार्यक्रममा उनले दोलखामा धार्मिक तथा सांस्कृतिक पर्यटकहरूमा व्यापाक मात्रामा भित्र्याउन सकिने बताए । यस्तै यहाँको जल, जमिन र जडीबुटीको सही सदुपयोग गरे आर्थिकरूपमा समेत देशकै धनी जिल्ला हुने बताए । शनिबार समापन गरिने गरी महोत्सवको आयोजना गरिएको भए पनि अवलोकनकर्ताहरूको मागका आधारमा एक दिन महोत्सवको समय थप गरिएको दोलखा चेम्बरका अध्यक्ष विष्णु श्रेष्ठले जानकारी दिए । उनका अनुसार महोत्सवको दोलखा, रामेछाप र सिन्धुपाल्चोकका करिब ५० हजार जनाले अवलोकन गरेका थिए । यस्तै महोत्सवमा एक सय २० वटा स्टलहरू राखिएको थियो ।
दोलखा महोत्सव दोलखा चेम्बर अफ दोलखाको मुख्य आयोजना तथा घरेलु विकास साना उद्योग, भीमेश्वर नगरपालिकाको सहआयोजना सम्पन्न भएको हो । महोत्सवलाई विभिन्न संघसंस्थाले प्रायोजक गरेका थिए । महोत्सवमा दोलखालाई चिनाउने पञ्चेबाजा समूहबीच प्रतियोगिता, खैजेडी भजन समूहबीच प्रतिस्पर्धा, विभिन्न जातजातिबीच सांस्कृतिक प्रतियोगिता आयोजना गरिएको थियो । यस्तै राष्ट्रिय तथा स्थानीय कलाकारहरूले मनोरञ्जन दिलाएका थिए । महोत्सवमा आर्थिक बहस, रोबोट प्रदर्शन, कम्प्युटर एसोसिएसनको सहयोगमा निःशुल्क मर्मत शिविर तथा साइबर सचेतना कार्यक्रम सञ्चालन गरिएको थियो ।
क्याटेगोरी : प्रदेश समाचार, बागमती प्रदेश
ट्याग : #Page 8
ताजा अपडेट
- झापामा अज्ञात व्यक्तिको आक्रमणबाट विद्यार्थी घाइते
- मिडियाको सबलीकरण र श्रमजीवी पत्रकारको हित प्रवर्द्धन सँगसँगै अघि बढाउन प्रयासरत छौँ: सञ्चारमन्त्री शर्मा
- इच्छाशक्ति हुने हो भने बजेट आफै व्यवस्थापन हुन्छ: उपप्रधानमन्त्री लामिछाने
- गर्मी बढेपछि बालबालिकामा सङ्क्रामक रोगको समस्या बढ्यो
- वैशाख २३ गते मुख्यमन्त्री अधिकारीले विश्वासको मत लिने
- नेकपा एमाले पर्साको अध्यक्षमा डा. विश्वम्भर शर्मा निर्विरोध चयन
- एक लाख बीमितको कार्ड जारी गर्दै काठमाडौँ महानगर
- पोलियोविरुद्ध खोप देशभरि बालबालिकालाई लगाइँदै
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया