काठमाडौं ,आपसी मिलेमतोमा भागबण्डा गरी खाने गरी नाङ्लो समूहसँग लिज एग्रिमेन्ट खारेज गरेर तरुण निर्माण सेवासँग नयाँ लिज एग्रिमेन्ट गरेका जेपी स्कुलका अधिकारीबीच त्यसमाथि छानबिन सुरु भएपछि एकअर्काबीच पोल खोलाखोल भएको छ ।
क्षेत्रपाटी ठमेलमा रहेको जेपी स्कुलको जग्गा नाङ्लो समूहका श्याम कक्षपतिलाई लिजमा दिएको सझौता गायब पारेको विषयमा स्कुलका पूर्वप्रधानाध्यापक सूर्यराज शाक्य र हालका प्रधानाध्यापक लक्ष्मणराज पौडेलबीच बैठकमै एकले अर्कोलाई पोलापोल गर्दै चर्काचर्की भएको हो ।
नाङ्लो समूहलाई दिएको लिज सम्झौता खारेज गरेर विद्यालय व्यवस्थापनले २०६५ सालमा मनोज मिश्रको तरुण निर्माण सेवालाई लिजमा दिएको थियो र लिजमा दिएको १४ वर्ष बितिसक्दा पनि त्यसको कार्यान्वयन नभएपछि अख्तियार दुरुपयोग अनुसन्धान आयोग, राष्ट्रिय सतर्कता केन्द्रलगायतका निकायमा त्यहाँ भएको अनियमिततामाथि छानबिन गरी कारबाही गर्न माग गर्दै उजुरी परेपछि सतकर्ता केन्द्रले छानबिन सुरु गरेको छ ।
छानबिनका क्रममा केन्द्रले प्रधानाध्यापक पौडेलसँग निरन्तर बयान लिइरहेको छ । बयानकै क्रममा केन्द्रले नाङ्लो समूहलाई लिजमा दिने भनी गरेको सम्झौता मागेपछि शुक्रबार बसेको विद्यालय व्यवस्थापन समितिको बैठकमा पूर्वप्रधानाध्यापक शाक्यलाई समेत बोलाएर केरकार गरिएको थियो ।
पूर्वप्रअ शाक्यले उक्त सम्झौता नयाँ प्रअलाई बुझाएको छु भन्ने र नयाँ प्रअ लक्ष्मणराज पौडेलले पुरानो प्रअ शाक्यले आफूलाई उक्त लिज एग्रिमेन्ट हस्तान्तरण नै नगरेको भन्ने विवाद भएर बैठकमा उनीहरु बीच चर्काचर्की भएको हो ।
उक्त बैठकमा विनि तारापति खरेलचाहिँ उपस्थित भएका थिएनन् । सञ्चालक समितिका पूर्वअध्यक्षलगायत पदेन सदस्य सबैले पानीमाथिको ओभानो बन्ने प्रयास गरेका थिए । यसअघिको व्यवस्थापनसँगको मिलेमतोमा जेपी स्कूल तरुण निर्माण सेवालाई दिइएको थियो र अहिले छानबिन सुरु भएपछि उनीहरुबीच पोलापोल हुनथालेको हो ।
क्याटेगोरी : सुलसुले
ट्याग : #Page 1
ताजा अपडेट
- ‘मौरिस हर्गोज’ पदमार्गको प्रवर्द्धनका लागि म्याग्दीका जनप्रतिनिधिको पदयात्रा
- क्षमतावान् जनशक्ति उत्पादन र उपयोगमा जोड
- वायुसेवा निगमको व्यावसायिक सुधारका लागि सबै एकतावद्ध हुनुपर्छः मन्त्री तामाङ
- झापामा अज्ञात व्यक्तिको आक्रमणबाट विद्यार्थी घाइते
- मिडियाको सबलीकरण र श्रमजीवी पत्रकारको हित प्रवर्द्धन सँगसँगै अघि बढाउन प्रयासरत छौँ: सञ्चारमन्त्री शर्मा
- इच्छाशक्ति हुने हो भने बजेट आफै व्यवस्थापन हुन्छ: उपप्रधानमन्त्री लामिछाने
- गर्मी बढेपछि बालबालिकामा सङ्क्रामक रोगको समस्या बढ्यो
- वैशाख २३ गते मुख्यमन्त्री अधिकारीले विश्वासको मत लिने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया