दोलखा । यसपटकको हिउँदमा पर्याप्त पानी नपर्दा दोलखाका धेरै गाउँबेँसीमा लगाइएको गहुँ बालीमा पहेँलो सिन्दुरे रोगको प्रकोप देखिएको छ । जिल्लाको बैतेश्वर गाउँपालिकाको वडा नम्बर–१ को गोपीबेँसी, वडा नम्बर–३ को मजुवा दोभानेबेँसी, निम्कोटबेँसीमा धेरै मात्रामा सिन्दुरे प्रकोप देखिएको स्थानीय किसानहरूले बताएका छन् ।
गहुँबालीमा प्राप्त सिँचाइ नपुग्नु, हिउँदमा वर्षा नहुनु तथा गहुँबाली नजिकै चोथ्रो, ऐसेलुलगायतको बुट्यान झारीबाट पनि गहुँमा सिन्दुरे रोग सर्ने तथा लाग्ने गरेको वैतेश्वर गाउँपालिका कृषि अधिकृत अश्वीन कुँवरले बताए । अधिकृत कुँवरले गहुँमा रोग लागेको विषयमा जानकारी पाउनेबित्तिकै केही किसानलाई प्राविधिक सल्लाहसहित केही विषादी दिएर पठाएका बताए । ‘रोग लाग्नेबित्तिकै थाहा पाएमा सामान्य किसिमको विषादीको प्रयोग गरेर रोग नियन्त्रणमा ल्याउन सकिन्थ्यो तर गहुँमा रोग लागेको लामो समयपछि थाहा भएमा भने नियन्त्रणमा लिन गाह्रो हुन्छ’, उनले भने ।
यस्तै यो वर्ष हिउँदमा पर्याप्त पानी नपरेका कारण गहुँ उत्पादन पनि घट्ने अनुमान गरिएको छ । केही दिनअघि पानी पर्दा गहुँबाली सप्रिने आशमा रहेका किसानलाई पछिल्लो पटक देखा परेको रोगले निराश बनाएको छ । गाउँपालिकाको कृषि शाखाले हालसम्म सिन्दुरे प्रकोप भएका ठाउँका किसानले कृषि प्राविधिकलाई कुनै जानकारी नगराएको बताएको छ । सम्पर्कमा आएका वडा केही किसानलाई रोग नियन्त्रणका लागि प्राविधिक सल्लाहसहित विषादी समेत दिएर पठाइएको र प्रकोप देखिएका अन्य ठाउँमा पनि स्थलगत अनुगमनको लागि प्राविधिक पठाउने बैतेश्वर गाउँपालिका अध्यक्ष छवि लामाले बताए । अध्यक्ष लामाले रोगको प्रकोप देखिएका किसानलाई सामूहिक निवेदन लिएर आउन समेत अनुरोध गरेका छन् ।
यसअघि यहाँका गाउँबेँसी लगाइएको गहुँमा यस्तो रोग खासै नदेखिएको स्थानीयको भनाइ छ । कृषि प्राविधिकहरूले किसानलाई रोग नियन्त्रण गर्न किर्नेकसिल भन्ने विषादी प्रतिलिटर पानीमा दुईदेखि तीन ग्राम मिसाई गहुँमा छर्न सुझाव दिएका छन् ।
क्याटेगोरी : सहकारी–कृषि
ट्याग : #Page 8
ताजा अपडेट
- जसपाको केन्द्रीय कार्यकारिणी समिति बैठक बस्दै
- नेपालले टस जितेर फिल्डिङ गर्दै
- देशमा लगानीको वातावरण बन्दै गएको छ स् अध्यक्ष अग्रवाल
- बझाङमा उत्साहपूर्वक मतदान हुँदै
- कृषि र उत्पादनमूलक क्षेत्रमा कोरिया जाने पर्खाइमा रहेकाहरूलाई क्षेत्र परिवर्तन गर्ने मौका
- अमेरिकालाई ‘सीमा’ ननाघ्न चीनको चेतावनी
- शान्तिपूर्ण रूपमा इलाम–२ मा मतदान सुरु
- सुदूरपश्चिम, गण्डकी र कोशी प्रदेशका केही स्थानमा हुरीबतासको चेतावनी
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया