अम्बे स्टिल्सको कन्ट्राक्टर सम्मेलन

काठमाडौं ।
छड उत्पादक कम्पनी अम्बे स्टिल्सले कन्ट्राक्टर सम्मेलन सम्पन्न गरेको छ । शुक्रबार भक्तपुरको सल्लाघारीमा आयोजित उक्त कार्यक्रममा कम्पनीका तर्फबाट कन्ट्राक्टरहरुलाई नेपालमा टीएमटी छडको प्रयोग गर्दा अनिवार्य पालना गर्नुपर्ने सावधानीहरुबारे जानकारी प्रदान गरिनुका साथै टीएमटी छड बेण्डिङ्ग गर्ने तरिकाबारे विस्तृत जानकारी प्रदान गरिएको थियो ।

उक्त कार्यक्रममा कम्पनीका प्रतिनिधिले उच्च गुणस्तरको कच्चा पदार्थ नै राम्रो टीएमटी छड उत्पादनको प्रमुख स्रोत भएको, जसमा कच्चा पदार्थमा हुनपर्ने अत्यावश्यक तत्वहरुलाई उचित तवरले मिश्रण गरी त्यसमा आउने खराब तत्वहरु सल्फर फोस्फोरसलाई न्यूनीकरण गरेर बनाइएको कच्चा पदार्थलाई अत्याधुनिक प्रविधिको प्रयोगबाट बनाइएको टीएमटी छड नै निर्माणकार्यको लागि उपयुक्त मानिन्छ भन्ने कुराको जानकारी दिएका थिए ।

अम्बे स्टिल्सले आफ्नो भैरहवा र नेपालगञ्जमा अवस्थित दुईवटा फ्याक्ट्रीबाट नेपालकै सबैभन्दा बढी दैनिक १४ सय टन छड उत्पादन गरी नेपाली बजारमा पु¥याउँदै आएको छ । यस कम्पनीबाट उत्पादित टीएमटी छड अन्तर्राष्ट्रिय गुणस्तरको भएको हुनाले नेपाली बजारमा सबैभन्दा बढी रुचाइएको छड भएको छ । हाल यसले एफई५००डी छड पनि उत्पादन गरी उपभोक्तामाझ पु-याउँदै आएको छ ।