Techie IT
×
गृहपृष्ठकर्पोरेटसाथी मार्टद्वारा कोटेश्वरको नरेफाँटमा १०३औँ आउटलेट विस्तार

साथी मार्टद्वारा कोटेश्वरको नरेफाँटमा १०३औँ आउटलेट विस्तार


काठमाडौं । नेपालकै ठूलो रिटेल चेन ओटुओ (अफलाइन टु अनलाइन) साथी मार्टको नयाँ आउटलेट कोटेश्वरको नरेफाँटमा सञ्चालनमा आएको छ । उक्त आउटलेट साथी मार्टको १०३औँ आउटलेट हो ।

विगतमा बैंकिङ क्षेत्रमा आबद्ध रहेकी रितु शाक्य र चान्सर प्रिन्टरकी सञ्चालक लक्ष्मी बाडे श्रेष्ठले फेन्चाइज लिएर मार्ट सुरु गर्न लागेका हुन् । फ्रेन्चाइज घनी रितु शाक्यका अभिभावक सिद्धिरत्न शाक्य, धर्मराज देउजा र मना देउजाले मार्टको उद्घाटन गरेका हुन् । लामो समयदेखि बैंकिङ क्षेत्रमा आबद्ध भइसक्दा आफू स्वयं पनि एक सफल उद्यमी बन्न चाहेको र नेपालको यस रिटेल सेक्टरमा नयाँ सुरुवात गरी लोकल लेभलमा ग्राहकहरुलाई सुविधा उपलब्ध गराउने योजना रहेको रितु शाक्यले बताइन् ।

मार्टको सुरुवाती दिनदेखि नै निःशुल्क होम डेलिभरी दिने योजना रहेको उनले सुनाइन् । साथै नरेफाँट नगरबासीहरुलाई मार्ट सपिङको अनुभव दिने हिसाबले साथी मार्टको ब्रान्डसँग जोडिएको उनले बताइन् । छ सय ५० वर्गफिटको आउटलेटमा ग्रोसरी, कस्मेटिक, होमकेयर, बेबिकेयर, किचन वयर, लिकर गिफ्टलगायतका सामान उपलब्ध हुनेछन् ।

साथी मार्ट ओ टु ओ मार्ट भएकाले उपभोक्ताले साथी मार्टको मोबाइल एप वा आधिकारी क वेबसाइट (डब्ल्यु डब्ल्यु डब्ल्यु डट स्मार्टसाथी डटकम) मा आफूलाई आवश्यक सामान रोजेर अर्डर गरी घरमै डेलिभरी मगाउन सक्नेछन् । फ्रेन्चाइज स्टोरसँगै साथीमार्ट इनकर्पाेरेट प्रालिको पूर्ण स्वामित्वमा नेपालका विभिन्न सहरमा छिट्टै ठूला आउटलेट सञ्चालनमा ल्याउने तयारी रहेको बताइएको छ । एउटै लगानीमा खुद्रा व्यापार (आउटलेट), ई—कमर्स, एफिलिएट मार्केटिङ, डिस्टिब्युटरसिप जस्ता सुविधा हुने भएकोले साथीस्मार्टको फ्रेन्चाइजमा आकर्षण बढेको छ ।


क्याटेगोरी : कर्पोरेट

तपाईको प्रतिक्रिया