भिभो भी२५ सिरिज स्मार्टफोनको प्रि–बुकिङ सुरु

काठमाडौं । स्मार्टफोन ब्रान्ड भिभोले आफ्नो नयाँ भी२५ सिरिजका स्मार्टफोनहरू भी२५ फाइभजी र भी२५ई को प्रि–बुकिङ खुल्ला गरेको छ । ग्राहकहरुले आइतबारदेखि भदौ २२ गतेसम्म भी२५ सिरिजका स्मार्टफोनको प्रि–बुकिङ खुल्ला गरेको हो ।

कम्पनीका अनुसार भी२५ फाइभजीको प्रि–बुकिङमा आकर्षक उपहार भिभो नेकब्यान्ड र भी२५ई को प्रि–बुकिङमा एंकर यूआई नेकब्यान्ड पाउँन सक्नेछन् । भी सिरिज उत्कृष्ट डिजाइन, शक्तिशाली प्रदर्शन र अपग्रेडेड विशेषताहरुको साथ आउँछ । बहुप्रतीक्षित भी२५ सिरिज चाँडै नेपाली प्रयोगकर्ताहरूका लागि उपलब्ध हुनेछ । भी२५ र भी२५ई दुवैमा रंग परिवर्तन हुने ग्लास प्रविधि छ । यसका साथै, दुवै स्मार्टफोनमा फ्लोराइट एजी ग्लास प्रयोग गरिएको छ, जसले फोनलाई अझ बढी आकर्षक बनाउँछ ।

भी२५ सिरिज हल्का तौल र स्टाइलिस डिजाइनमा उपलब्ध हुनेछ । यस्तै भी २५ फाइभजी र भी२५ई दुवैमा ६४एमपी ओआईएस (अप्टिकल इमेज स्टेबलाइजेसन) अल्ट्रा सेन्सिङ रियर क्यामेरा छ, जसले कम ब्राइटनेस र हल्लिएको ब्लर फोटोहरुलाई स्पष्ट बनाउँछ । त्यस्तै भी२५ फाइभजीमा ५०एमपी अटो फोकस पोट्र्रेट फ्रन्ट क्यामेरा रहेको छ । साथै, भी२५ई मा ३२एमपी फ्रन्ट क्यामेरा रहेको छ जसले प्रयोगकर्ताहरूलाई फोटोग्राफी अनुभव पुनः परिभाषित गर्न उत्कृष्ट–इन–क्लास इमेजिङ प्रविधि प्रदान गर्दछ ।

भी२५ सिरिजको दुवै स्मार्टफोनहरूमा शक्तिशाली प्रोसेसरहरू छन्, भी२५ फाइभजीमा मिडियाटेक डाइमेन्सिटी ९०० प्रोसेसर प्रयोग गरिएको छ भने भी२५ई मा मिडिया टेक हेलियो जी९९ प्रोसेसर प्रयोग गरिएको छ । भी२५ सिरिजका दुवै स्मार्टफोनमा शक्तिशाली ४५०० एमएएच ब्याट्री रहेको छ जसलाई ४४वाट फ्ल्यासचार्जले समर्थन गर्दछ । यसका साथै स्मुद अनुभवका लागि भी२५ सिरिजमा ८जीबी -याम र १२८ जीबी रोम रहेको छ जसमा ८जीबीको एक्सटेन्डेड -याम पनि छ । भी२५ फाइभजी दुईवटा कलर भेरियन्ट अक्वामेरिन ब्लु र डायमण्ड ब्ल्याकमा उपलब्ध हुने कम्पनीले जनाएको छ । यसको मूल्य ५२ हजार नौ सय ९९ रुपैयाँ तोकिएको छ । यस्तै भिभो भी२५ई को मूल्य ४२ हजार नौ सय ९९ रुपैयाँ तोकिएको छ । यो दुई कलर भेरियन्ट–सनराइज गोल्ड र डायमण्ड ब्ल्याकमा उपलब्ध हुने कम्पनीको भनाइ छ ।