एक्साइडको नयाँ विद्युतीय रिक्सा ब्याट्री नेपाली बजारमा

काठमाडौं । सिप्रदी ट्रेडिङ्ग प्रालिले एक्साइड ब्रान्डको विद्युतीय रिक्सामा प्रयोग हुने नयाँ इ–रिक्सा ब्याट्रीको नेपाली बजारमा बिक्रीवितरण सुरु गरेको छ । एक्साइड ब्राण्डको इ–रिक्सा ब्याट्री नेपालको एक मात्र १५ महिना लामो वारेन्टी भएको ब्याट्री हो ।

विश्व प्रसिद्ध एक्साइड ब्राण्डको इ–रिक्सा ब्याट्रीहरु फ्याक्ट्रीबाट पहिले नै चार्ज हुने भएकोले सिधा जडान गर्न सकिनेछ । साथै विशेष अलोई प्रणाली भएका यी ब्याट्रीहरुले छिटो चार्ज हुनुका साथै प्रशोधित पानीको पनि कम खपत गर्छन् ।

यसैगरी, यिनीहरुमा ‘रगेड ट्युबलर पोजिटिभ प्लेट’को विशेषता भएकोले यसले विद्युतीय रिक्साको भार तान्नसक्ने क्षमतामा अधिकतम वृद्धि गर्ने कम्पनीको भनाइ छ । आफ्नो उत्कृष्ट रासायनिक एवं अन्य गुणहरुको कारण यो नयाँ उत्पादनले छोटो समयमै ग्राहकहरुको मन जित्नेमा सिप्रदी ढुक्क रहेको समेत जनाएको छ । कम्पनीको अनुसार कुनै पनि पुरानो ब्याट्री साटेर नयाँ एक्साइड ब्याट्री पनि ग्राहकहरुले प्राप्त गर्न सक्नेछन् ।