लिला राई फाउण्डेसनद्वारा सम्मान
काठमाडौं । लिला राई फाउन्डेसन नेपालले सामाजिक क्षेत्रमा सक्रिय व्यक्तिहरुलाई सम्मान गरेको छ । फाउन्डेसनले मंगलबार आयोजना गरेको आफ्नो प्रथम वार्षिक साधारणसभामा सामाजिक क्षेत्रमा सक्रिय रहेका व्यक्तिहरुलाई सम्मान गरेको हो ।
सम्मानित हुनेहरुमा गौतमबुद्ध अन्तर्राष्ट्रिय विमानस्थलका निवर्तमान महाप्रबन्धक गोविन्द प्रसाद दाहाल, बडिगाड गाउँपालिका बाग्लुङकी अध्यक्ष गण्डकी थापा अधिकारी, वरिष्ठ अधिवक्ता दिनेश त्रिपाठी, ढोरपाटन नगर उपप्रमुख धन बहादुर कायत, हेल्पिङ ह्याण्डका प्रमुख डाक्टर देवेन्द्र गौतमलगायत छन् । उनीहरुलाई नेपाल विद्युत् प्राधिकरणका कार्यकारी निर्देशक कुलमान घिसिङ र फाउन्डेसनकी अध्यक्ष लिलादेवी राईले संयुक्त रुपमा सम्मानपत्र प्रदान गरेका थिए ।
कार्यक्रममा प्राधिकरणका कार्यकारी निर्देशक घिसिङले पर्याप्त बजेट भएमा डेढ वर्षभित्र नेपालका सबै भागमा विद्युतीकरण गरिसकिने बताए । उनले उज्यालो प्रदेश नामक अभियान नै चलाएर विद्युतीकरणमा जोड दिएको जानकारी दिए । कर्णाली र सुदूरपश्चिम प्रदेशमा मात्रै सबै भूभागमा विद्युत् पु¥याउन २५ अर्ब खर्च हुने उनको भनाइ थियो । प्राधिकरणले ऋण लिएर उक्त प्रदेशमा विद्युतीकरण गरिरहेको बताए । यस्तै प्राधिकरणले आफ्नो नाफाको रकम समेत विद्युतीकरणमा खर्च गरिरहेको बताए ।
मधेश प्रदेशका सबै भूभागमा बिजुली पुगेको जानकारी दिँदै उनले गण्डकी प्रदेशमा पनि केही समयभित्रै विद्युतीकरण भइसक्ने बताए । उनले नेपालमा ५५ लाख उपभोक्ताले विद्युत् उपभोग गरिरहेकोमा २२ लाख उपभोक्ताले मासिक ३० रुपैयाँमा विद्युत् उपभोग गरिरहेको बताए । यस्तै सिँचाइको लागि प्रतियुनिट दुई रुपैयाँ, पानीको र विद्युतीय सवारीको चार्जिङको लागि प्रतियुनिट पाँच रुपैयाँ लिने गरेको पनि उनले जानकारी दिए । फाउन्डेसनले महिला तथा बालबालिकाको क्षेत्रमा काम गर्ने गरेको संस्थाकी अध्यक्ष लिलादेवी राईले जानकारी दिइन् ।
क्याटेगोरी : कर्पोरेट-वाणिज्य-उद्योग
ट्याग : #page 3
ताजा अपडेट
- अमेरिकालाई ‘सीमा’ ननाघ्न चीनको चेतावनी
- शान्तिपूर्ण रूपमा इलाम–२ मा मतदान सुरु
- सुदूरपश्चिम, गण्डकी र कोशी प्रदेशका केही स्थानमा हुरीबतासको चेतावनी
- आज इलाम र बझाङमा उपनिर्वाचन
- पाठ्यक्रममै प्रविधिको विकास गरौँ
- पूर्वपश्चिम राजमार्गअन्तर्गत बागमती पुल जीर्ण बनेपछि दुर्घटनाको जोखिम
- धरौटिमा छुटे दिपेश पुन
- अर्थमन्त्री पुनको उपस्थितिमा नेपाल र चीनबीच दुई सम्झौतामा हस्ताक्षर
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया