सन नेपाल लाइफको ‘अभिकर्ता सम्मान तथा बीमा अभिमुखीकरण कार्यक्रम’

काठमाडौं । सन नेपाल लाइफ इन्स्योरेन्सले गत हप्ता अभिकर्ता सम्मान तथा बीमा अभिमुखीकरण कार्यक्रम सम्पन्न गरेको छ । मुख्य मार्केटिङ विभाग त्रिपुरेश्वर, शाखा कार्यालयहरू लगनखेल र नारायणघाटअन्तर्गत अभिकर्ताहरूलाई चितवनको सौराहामा एक कार्यक्रमको आयोजना गरी सम्मान गरिएको कम्पनीले जानकारी दिएको छ ।

कम्पनीका अनुसार लमजुङ शाखा कार्यलयमा पनि उक्त खाले कार्यक्रम आयोजना गरिएको थियो । जनमानसमा बीमाको महत्व, बीमा दाबी भुक्तानीलगायतका महत्वपूर्ण प्रशिक्षण कम्पनीका महाप्रबन्धक कमलराज गौतमद्वारा प्रदान गरिएको थियो भने उत्कृष्ट अभिकर्ताहरूलाई सम्मान समेत गरिएको थियो ।

देशैभर उत्कृष्ट शाखा सञ्जालबाट बीमा सेवा प्रदान गर्दै आएको कम्पनीले निकट भविष्यमा नै सर्वसाधारणलाई साधारण सेयर निष्काशन गर्ने तयारी गरेको जानकारी दिएको छ ।