Techie

अमेरिकामा गत हप्ता थप २४ लाख ३० हजार बेरोजगार
न्युयोर्क, जेठ ९
अमेरिकामा गत हप्ता थप २४ लाख ३० हजार श्रमिकले बेरोजगार बनेको भन्दै आवेदन दर्ता भएका सरकारी अधिकारीले बताएका छन् । अमेरिकामा कोभिड–१९ को संक्रमणको प्रभाव देखिएसँगै बेरोजगार दरमा निकै धेरै वृद्धि भएको बताइएको छ । सरकारी तथ्यांकअनुसार मार्च महिनाको मध्यदेखि गत हप्तासम्ममा बेरोजगार हुनेको संख्या तीन करोड ८६ व्यक्ति बेरोजगार बनेका छन् । श्रम विभागको तथ्यांक अनुसार मे १६ सम्ममा बेरोजगार भत्ताका लागि नयाँ दाबीसहितका आवेदनको संख्यामा अघिल्ला केही हप्ताको तुलनामा केही घटेको छ । इद्यपि अझै पनि बेरोजगार भत्ताका लागि परेका निवेदनमा उल्लेख्य कमी भने आउन सकेको छैन । बेरोजगार दरमा पछिल्ला केही वर्ष यताकै उच्च समस्या देखिएको छ । विश्वव्यापी महामारीका रूपमा फैलिएको कोरोना भाइरसका कारण धेरै राज्यहरूमा नियमित रूपमा औद्योगिक, व्यवसायिक गतिविधिमा स्वतः कमी आउँदा बेरोजगार दरमा उच्च वृद्धि देखिएको विभागले बताएको छ ।

तपाइको प्रतिकृया

यो पनि पढनुहोस