मोजाम्बिक, असार २८
पूर्वी अफ्रिकी मुलुक मोजाम्बिकका अनुमानित करिब २३ लाख व्यक्तिमा एचआइभी संक्रमित रहेका मोजाम्बिकको स्वास्थ्य मन्त्रालयले शुक्रबार उल्लेख गरेको छ । स्वास्थ्यमन्त्री अरमिन्दो टियागोले भने, ‘मोजाम्विक विश्वमा एचआइभी संक्रमण समस्या रहेका सबैभन्दा बढी प्रभावित आठमध्ये एउटा राष्ट्र हो ।’
एचआईभी सेवामा विश्वव्यापी पहुँचमा सुधार ल्याउने र मुलुकमा यस रोगबाट पीडित व्यक्तिहरूप्रति हुने कलंक घटाउने अभियान अन्तर्गत एक कार्यक्रमलाई सम्बोधन गर्दै उनले मोजाम्बिकमा संक्रमितको संख्या निकै धेरै पुगिसकेकोले सचेतनामुलक अभियानद्वारा नागरिकलाई यसबाट बचाउन जरूरी रहेको बताए ।
मोजाम्बिकमा एचआइभी संक्रमितको संख्या बढेसँगै सन् २०१६ मा ९०–९०–९० नाम दिइएको एउटा दीर्घकालीन कार्यक्रमको लक्ष्य निर्धारण गरिएको थियो । यस अन्तर्गत सन् २०२० सम्ममा एचआईभीको समस्यासँगै बाँच्न बाध्य ९० प्रतिशत मानिसहरूलाई उनीहरूको सेरोस्ट्याटस (रगतमा रहने सेरोलोजी नामक तत्व) जानकारी गराउने र सकारात्मक सोचका साथ उनीहरूलाई बाँच्न प्रोत्साहन गर्ने ९० प्रतिशत मानिसहरूको परीक्षण र उपचार गर्ने र ९० प्रतिशतलाई एन्टिरिट्रोभाइरल सेवा उपलब्ध गराउने कार्यक्रम ल्याएको थियो ।
‘तथापि, एचआईभी र एड्ससम्बन्धी अनुमान मोडल स्पेक्ट्रमबाट प्राप्त तथ्यांकले मार्च २०२० सम्म मोजाम्बिकमा एचआईभी पीडित २३ लाख मानिसमध्ये ७४ प्रतिशतलाई आफ्नो सेरोलोजीको अवस्थाबारे जानकारी रहेको छ टियागोले बताए । टियागोका अनुसार आफ्नो स्वास्थ्य अवस्थाबारे जानकारी राख्नसक्ने ५२ प्रतिशत व्यक्तिले स्वास्थ्य सुविधामा निःशुल्क एन्टिरिट्रोभाइरल उपचारबाट फाइदा लिइरहेका छन् तर तीमध्ये ४० प्रतिशतले संक्रमणका कारण आफूलाई स्वास्थ्य समस्या रहेको महशुस गर्ने गर्छन् । एचआईभीको हेरचाह र उपचारका लागि बिरामीहरुको सोचले मुलुकको प्रयास र एचआईभीको संक्रमणप्रति राष्ट्रिय प्रतिक्रियामा सम्झौता गर्ने प्रमुख चुनौतीमध्ये एक रहेको उनले बताए ।
क्याटेगोरी : विश्व बजार
ताजा अपडेट
- नीति तथा कार्यक्रम : गण्डकीका कुन-कुन योजना परे ?
- प्राइम सहकारीकाे एक अर्व ५४ कराेड हिनामिना, अध्यक्ष कार्कीसहित आठ पक्राउ
- नीति तथा कार्यक्रम सकारात्मक स: सत्ता पक्ष
- नीति तथा कार्यक्रम उत्साहप्रद : एमाले
- क्रिकेटर लामिछानको मुद्दा हेर्दाहेर्दैमा
- अदालती समयपछि पनि सन्दीपको मुद्दामा बहस जारी
- प्राइम सहकारी पनि डुब्यो, प्रहरीद्वारा उजुरी आह्वान
- शिक्षकले दलको सदस्य हुन नपाउने कानुनी व्यवस्था कडाइका साथ कार्यान्वयन गरिने
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया