Techie IT
×
गृहपृष्ठअन्तर्राष्ट्रियजापान घुम्ने विदेशी ९७ प्रतिशतले घटे

जापान घुम्ने विदेशी ९७ प्रतिशतले घटे


टोक्यो ।
गत नोभेम्बर महिनामा जापान घुम्न जाने विदेशीको संख्या ९७.७ प्रतिशतले घटेको छ । अघिल्लो वर्षको तुलनामा यो वर्षको सोही अवधिमा ठूलो दरले घटेको जापान सरकारले बुधबार जनाएको हो । जापान नेशनल टुरिज्म अर्गनाइजेसनका अनुसार ५६ हजार ७ सय जना विदेशीले मात्रै नोभेम्बरमा जापान भ्रमण गरेका छन् । तीमध्ये चीनका १८ हजार १ सय, भियतनामकाक १४ हजार ७ सय, इन्डोनेसियाका ३ हजार ४ सय र दक्षिण कोरियााका २ हजार ८ सय जना रहेको अनुमान गरिएको छ । गत अक्टोबरयता यस्तो संख्या क्रमशः घटिरहे पनि ५० हजारभन्दा माथि पुगेको आठ महिनामा पहिलोपटक हो ।

यो अवधिमा विदेश जाने जापानीको संख्यामा पनि ९८.१ प्रतिशतले घटेको छ । उक्त महिनामा ३० हजार ७ सय जापानीले देश छोडेका हुन् । गत वर्ष जापान घुम्ने विदेशीको संख्या ३ करोड १८ लाख जना थियो । जापानले सन् २०२० मा ४ करोड पर्यटक भित्र्याउने लक्ष्य राखेको थियो । तर संख्यामा उच्च दरले कमी आएको हो । जनवरीदेखि नोभेम्बरसम्म जापान जाने संख्या ४० लाख मात्रै पुगेको छ । सरकारी लक्ष्यको तुलनामा यो केवल १० प्रतिशत मात्रै हो ।


क्याटेगोरी : अन्तर्राष्ट्रिय

तपाईको प्रतिक्रिया