Techie IT
×
गृहपृष्ठअन्तर्राष्ट्रियभारतीय बासमती चामल निर्यात ठप्प

भारतीय बासमती चामल निर्यात ठप्प


कलकत्ता, पुस २१
अमेरिकी ड्रोन आक्रमणमा इरानी कुद्स सेनाका कमान्डर कासिम सुलेमानी मारिएपछि त्यसको असर भारतीय उद्योग क्षेत्रमा समेत परेको छ । सोही कारण भारतीय बासमती चामलको निर्यात ठप्प भएको भारतीय मिडियाले जनाएका छन् । नवभारत टाइम्सका अनुसार घरेलु व्यापार संगठन अल इन्डिया राइस एक्पोर्टर्स एसोसिएसनले खाडी क्षेत्रको अवस्था सामान्य नभएसम्मका लागि बासमती निर्यातमा रोक लगाएको छ । चामलमात्र हैन, भारतीय चियामा समेत यसको असर देखिने बताइएको छ । भारतले सन् २०१९ नोभेम्बरसम्म ५ करोड किलोग्राम चिया निर्यात गरेको थियो । त्यस्तै पछिल्लो आर्थिक वर्ष भारतले ३ खर्ब २८ अर्ब भारुको बासमती चामल निर्यात गरेको थियो । त्यसमा १ खर्ब भारु मूल्यको चामल इरान गएको थियो ।


क्याटेगोरी : अन्तर्राष्ट्रिय

तपाईको प्रतिक्रिया