माल्दिभ्समा एक लाख व्यक्तिलाई कोभिड–१९ विरूद्धको खोप दिइयो
माले ।
माल्दिभ्समा आइतबारसम्म एक लाख व्यक्तिलाई कोभिड–१९ विरूद्धको खोपको पहिलो मात्रा लगाइएको स्थानीय सञ्चारमाध्यमहरूले देशको स्वास्थ्य सुरक्षा निकाय (एचपीए)लाई उद्धृत गरी जानकारी गराएका छन् । एचपीएले आफ्नो आधिकारिक ट्विटरमा भनेको छ, ‘कोभिडविरूद्धको खोप अभियानलाई सफल पार्न सरकारलाई सहयोग गर्ने सर्वसाधारण, स्वास्थ्यकर्मी, स्वयम्सेवकलगायत सम्पूर्ण व्यक्तिलाई सरकार धन्यवाद दिन चाहन्छ ।’
एचपीएको तथ्याङकअनुसार ग्रेटर माले भनी चिनिने राजधानी र वरपरका क्षेत्रहरूका ७२ हजार आठ सय ७२ व्यक्तिसहित कूल एक लाख पाँच हजार ४९२ जनाले आइतबारसम्ममा खोप सेवा लिइसकेका छन् । करिब ५६ लाख जनसङ्ख्या रहेको माल्दिभ्समा यही फेब्रुअरी १ देखि खोप अभियान थालिएको थियो भने माल्दिभ्सले झण्डै ११ लाख खोप खरिद प्रक्रियालाई अघि बढाएको छ भने आगामी केही महिनाभित्र सम्पूर्ण जनसंख्यालाई खोप सेवा उपलब्ध गराउने सरकारी अधिकारीले बताएका छन् ।
यस एसियाली मुलुकमा अक्सफोर्ड एस्ट्राजेनेकाले विकास गरेको प्रविधि र भारतको सेरम इन्स्टिच्युटले उत्पादन गरेको कोभिशिल्ड खोपलाई प्रयोगमा ल्याइएको छ । माल्दिभ्सले २५ वर्षभन्दामाथि वा अति जोखिमको तहमा रहेका १८–२५ वर्ष उमेर समूहका गैरनागरिक र कागजात नभएका आप्रवासीका लागि पनि खोपलाई निःशुल्क प्रदान गर्ने बताएको छ । एचपीएका अनुसार शनिबारसम्म माल्दिभ्समा १९ हजार पाँँच सय ९७ जनालाई कोभिड–१९ संक्रमण पुष्टि भएको र यसमध्ये १७ हजार एक सय ३२ जना पूर्ण स्वस्थ भई घर फर्किएका छन् । यहाँ कुल ६१ जना संक्रमितको मृत्यु भएको पुष्टि गरिएको छ ।
क्याटेगोरी : विश्व बजार
ताजा अपडेट
- अमेरिकालाई ‘सीमा’ ननाघ्न चीनको चेतावनी
- शान्तिपूर्ण रूपमा इलाम–२ मा मतदान सुरु
- सुदूरपश्चिम, गण्डकी र कोशी प्रदेशका केही स्थानमा हुरीबतासको चेतावनी
- आज इलाम र बझाङमा उपनिर्वाचन
- पाठ्यक्रममै प्रविधिको विकास गरौँ
- पूर्वपश्चिम राजमार्गअन्तर्गत बागमती पुल जीर्ण बनेपछि दुर्घटनाको जोखिम
- धरौटिमा छुटे दिपेश पुन
- अर्थमन्त्री पुनको उपस्थितिमा नेपाल र चीनबीच दुई सम्झौतामा हस्ताक्षर
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया